គុយបា: ក្រសួងសុខាភិបាលសារធារណ: (Minsap) បានប្រកាសឲ្យដឹងថា ស្ត្រីគុយបាដែលទើបត្រឡប់មកពីប្រទេស Venezuela ត្រូវបានគេបញ្ជាក់ថា កើតជំងឺ Zika ដែលវាជាលើកទី ១៥ហើយនៃការ ហូរចូលជំងឺនេះ មកក្នុងប្រទេសគុយបា។ នេះបើយោងតាមរយ: សារព័ត៌មានចិនស៊ិនហួរ ចេញផ្សាយនៅថ្ងៃទី១១ ខែមេសា ឆ្នាំ២០១៦។

អ្នកជំងឺអាយុ ៦៧ឆ្នាំ រស់នៅក្នុងតំបន់ប្រជុំជន Guanabacoa ជិតនឹងទីក្រុង ឡាហាវ៉ាន បានវិលត្រលប់មកដល់ប្រទេសគុយបា កាលពីថ្ងៃទី ៣១ ខែឧសភា ដែលធ្វើដំណើរពីទីក្រុងការ៉ាកាស ជារដ្ឋធានីនៃប្រទេស Venezuela នេះបើយោងតាមសេចក្តីប្រកាសមួយរបស់ Minsap ។

បួនថ្ងៃបន្ទាប់ពីការវិលត្រឡប់របស់នាង ស្ត្រីបានចាប់ផ្តើមបង្ហាញរោគសញ្ញា នៃជំងឺគ្រុនក្តៅ និងកន្ទួលក្រហម ព្រមទាំងឈឺសាច់ដុំ និងសន្លាក់។

នាងត្រូវបានគេបញ្ជូនទៅវិទ្យាស្ថានវេជ្ជសាស្ត្រ Pedro Kouri Tropical ជាមួយនឹងការធ្វើតេស្តបញ្ជាក់ថា នាងពិតជាមានជំងឺ Zika ។

បន្ទាប់ពីសម្រាកព្យាបាលក្នុងមន្ទីរពេទ្យ រោគសញ្ញានៃជំងឺគ្រុនក្ដៅ ត្រូវបានបាត់ និងមានស្ថានភាពសុខភាពប្រសើរទ្បើងជាងមុន៕