ហ្វីលីពីនៈ កីឡាករសញ្ជាតិហ្វីលីពីន Manny Pacquiao ជាស្តេចប្រដាល់របស់ពិភពលោក ក្នុងកម្រិតទម្ងន់ស្រាល ដោយមានខ្សែក្រវ៉ាត់ជាច្រើននៅក្នុងដៃ និងជាម្ចាស់រថយន្តដ៏ទំនើប រួមនឹងឧទ្ធម្ភាគចក្រ១គ្រឿងផងដែរ។

រថយន្តដែល Pacquiao ជិះ គឺ Mercedes-Benz SL 550 ប្រភេទទ្វារ២ បំពាក់ម៉ាស៊ីន V6 ដោយផ្តល់ថាមពលម៉ាស៊ីន ៣៣៣សេស។

ក្រៅពីរថយន្តខាងលើ Pacquiao នៅមានរថយន្តស្ព័រមួយគ្រឿងទៀត គឺ Ferrari 458 Spider ដោយបំពាក់ម៉ាស៊ីន V8 ប្រភេទ ៤.៥ លីត្រ ដោយផ្តល់ថាមពល ៥៩៧សេស។

លើសពីនេះទៅទៀត ស្តេចប្រដាល់ខាងលើ នៅមានឧទ្ធម្ភាគចក្រ Bell 206 ១គ្រឿង របស់ក្រុមហ៊ុន Bell Helicopter។ ឧទ្ធម្ភាគចក្រនេះ អាចហោះហើរបាន ២១៩គីឡូម៉ែត្រ ក្នុងមួយម៉ោង តម្លៃចាប់ពី 900,000–1,200,000ដុល្លារអាមេរិក៕