កូរ៉េ: តាមរូបភាពផ្កាយរណបពាណិជ្ជកម្មនាពេលថ្មីៗនេះ បានឲ្យដឹងថា កងទ័ពកូរ៉េខាងជើង កំពុងរៀបចំក្បួនព្យុហយាត្រាយោធា ក្នុងទីក្រុងព្យុងយ៉ាង នៅមុនថ្ងៃប្រកាសជាថ្មីនៃខួបកំណើតរបស់កងទ័ពប្រជាជនកូរ៉េ (KPA) ដែលនឹងត្រូវចាប់ផ្ដើមនាពេលខាងមុខ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី៣១ ខែមករា ឆ្នាំ២០១៨។

កាលពីថ្ងៃច័ន្ទ ទីភ្នាក់ងារព័ត៌មានយ៉ុនហាប់ បានរាយការណ៍ថា ក្រុងព្យុងយ៉ាង បានប្រកាសថ្ងៃទី៨ ខែកុម្ភ: ឆ្នាំ២០១៨ គឺជាខួបកំណើតថ្មី សម្រាប់ការបង្កើត KPA មុនកាលបរិច្ឆេទថ្ងៃទី ២៥ ខែមេសា ដែលខួបនេះ ត្រូវបានបង្កើតឡើងដោយលោក គីម អ៊ីលស៊ុង នៅក្នុងឆ្នាំ ១៩៣៤ ជាជីតារបស់លោក គីម ជុងអ៊ុន។

សម្រាប់ក្បួនព្យុហយាត្រាយោធាលើកនេះ កូរ៉េខាងជើងបានកត់សម្គាល់ថា នឹងមានការចាប់អារម្មណ៍យ៉ាងខ្លាំង ពីសហគមន៍អន្តរជាតិ នៅពេលដែលកូរ៉េខាងជើង បានប្រើកងទ័ពខ្លួន ដើម្បីបង្ហាញឧបករណ៍យោធាថ្មីៗ ក៏ដូចប្រព័ន្ធអាវុធចុងក្រោយរបស់ពួកគេ»៕