ព័ត៌មានអន្តរជាតិ

យោធាលីបង់ ត្រៀមខ្លួនរួចជាស្រេច ដើម្បីធ្វើសង្គ្រាមជាមួយអ៊ីស្រាអែល

លីបង់: មេបញ្ជាការជាន់ខ្ពស់នៃកងទ័ពលីបង់ លោក Joseph Aoun បានប្រកាសកាលពីថ្ងៃព្រហស្បតិ៍ថា កងកម្លាំងលីបង់ ត្រៀមខ្លួនរួចជាស្រេច ដើម្បីការពារប្រទេសរបស់ពួកគេ ពីការឈ្លានពានរបស់អ៊ីស្រាអែល។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី៣ ខែមីនា ឆ្នាំ២០១៨។

លោក Aoun បាននិយាយថា កងកម្លាំងដែលស្ថិតនៅក្រោមបញ្ជារបស់លោក នឹងមិនមានការភ្ញាក់ផ្អើលនោះទេ ខណ:ដែលលោក បានធ្វើទស្សនកិច្ចទៅកាន់កន្លែងទាហានឈរជើង នៅទីក្រុងបេរូត។

ដោយលោកបានបញ្ជាក់ថា «យោធាលីបង់ បានត្រៀមខ្លួនរួចជាស្រេច នៅតាមព្រំដែនភាគខាងត្បូង ដើម្បីប្រឈមមុខនឹងការឈ្លានពាន ជាមួយយោធាអ៊ីស្រាអែល ឬការប៉ុនប៉ងណាមួយ ដែលរំលោភបំពានលើដែនដី និងដែនសមុទ្ររបស់ពួកគេ»។

ក្នុងនោះលោក Aoun បានអះអាងថា កងទ័ពលីបង់មានឆន្ទ:យ៉ាងពេញលេញ ក្នុងការការពារប្រទេស តាមរយ:មធ្យោបាយដែលមាន និងលទ្ធភាពរបស់ខ្លួន មិនថាការគំរាមកំហែង ឬការបង្កហេតុរបស់សត្រូវ ខ្លាំងក្លាយ៉ាងណាក៏ដោយ៕

មតិយោបល់