ក្លិបបាល់ទាត់ ព្រះខ័នរាជស្វាយរៀង បានធ្វើការចុះកិច្ចសន្យាជាមួយសមាជិកថ្មីគឺកីឡាករ Trevin Caesar ដែលមកពីប្រទេស ទ្រីនីដាដ និងតូបាហ្គូ នៅតំបន់អាមេរិកកណ្តាល ដើម្បីជួយក្លិបនារដូវកាលថ្មីនេះ។

កីឡាករកម្ពស់ ១.៧០ ម៉ែត្ររូបនេះ លេងតួនាទីជាខ្សែប្រយុទ្ធ ធ្លាប់លេងឲ្យក្លិប Ma Pau, Caledonia AIA និង North East Stars។ នៅឆ្នាំ ២០១៤ Trevin Caesar បានចុះហត្ថលេខាលើកិច្ចសន្យារយ:ពេលមួយឆ្នាំជាមួយ San Antonio Scorpions។ បន្ទាប់ពីចំណាយពេលរដូវកាលជាមួយនឹងក្រុមបាល់ទាត់ United Soccer League Austin Aztex នៅឆ្នាំ ២០១៥ Trevin Caesar បានផ្ទេរទៅកាន់ USL’s Orange County Blues នៅឆ្នាំ ២០១៦ ។ នៅរដូវកាលឆ្នាំ ២០១៧ គាត់បានចូលរូមជាមួយ Sacramento Republic ។

គួបញ្ជាក់ថា ខ្សែប្រយុទ្ធវ័យ ២៨ ឆ្នាំរូបនេះ ធ្លាប់លេងឲ្យក្រុមជម្រើសជាតិ ទ្រីនីដាដ និងតូបាហ្គូ តាំងពីឆ្នាំ ២០១៣ មកម្លេះនឹងបានបង្ហាញខ្លួន ១៤ លើក ទាត់បាល់បញ្ចូលទី ៣ គ្រាប់ផងដែរ៕