Post News Media ព័ត៌មានអន្តរជាតិ លោក គីម ជុងអ៊...

លោក គីម ជុងអ៊ុន បង្ហាញ​ការប្តេជ្ញាចិត្ត​​លុបបំបាត់​អាវុធ​នុយក្លេអ៊ែរ ​នៅឧបទ្វីប​កូរ៉េ

កូរ៉េ: មេដឹកនាំ​កូរ៉េខាងជើង លោក គីម ជុងអ៊ុន ​​បាន​ប្រាប់ រដ្ឋមន្ត្រីការបរទេស​រុស្ស៊ីលោក សឺ​ហ្គេ ឡាវ​រ៉ូ​វ ថា រដ្ឋាភិបាលខ្លួន​បាន​ប្តេជ្ញាចិត្ត​បញ្ចប់ការអភិវឌ្ឍ​អាវុធ​នុយក្លេអ៊ែរ​នៅ​លើឧបទ្វីប​កូរ៉េ​។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១ ខែមិថុនា ឆ្នាំ២០១៨។

ការលើកទ្បើងបែបនេះ បានកើតទ្បើងបន្ទាប់ពីជំនួប​ប្រទេសទាំងពីរ ​នៅ​ទីក្រុង​ព្យុងយ៉ាង​ កាលពី​ថ្ងៃ​ព្រហស្បតិ៍ ដោយលោក គីម បាន​និយាយថា ​​​កូរ៉េខាងជើងនៅតែ​មិន​ផ្លាស់ប្ដូរឆន្ទ: ក្នុងការលុបបំបាត់​អាវុធ​នុយក្លេអ៊ែរ តាម​ការព្រមព្រៀង ​និងកំណត់របស់ពួកគេ​។​

សូមជំរាបថា ​ដំណើរ​ទស្សនកិច្ច​រប​ស់លោក ឡាវ​រ៉ូ​វ ត្រូវបាន​ធ្វើឡើងចំពេលដែល​រដ្ឋមន្ត្រីការបរទេស​អាមេរិក​លោក ម៉ៃ ផ​ម​ផេ​វ និងមន្ត្រីជាន់ខ្ពស់​កូរ៉េខាងជើង ​បានធ្វើកិច្ច​ពិភាក្សា​ ដើម្បីរៀបចំជំនួប​​កំពូល ​ជា​ប្រវត្តិសាស្ត្រ​រវាង លោក គីម ជុងអ៊ុន និងលោក ដូ​ណា​ល់ ត្រាំ នៅ​ប្រទេសសិង្ហ​បុរី នា​ថ្ងែ​ទី​១២ ​ខែមិថុនាខាងមុខ៕

Loading...