អាហ្វហ្គានីស្ថាន: ទូរទស្សន៍ Tolo ក្នុងស្រុកមួយ បានរាយការណ៍ថា រហូតមកដល់ពេលនេះ ពួកសកម្មប្រយុទ្ធរដ្ឋអ៊ីស្លាមចំនួន ៤២នាក់ ត្រូវបានសម្លាប់ ខណ:យន្តហោះគ្មានមនុស្សបើក បានវាយប្រហារគោលដៅ ដែលជាកន្លែងលាក់ខ្លួន IS នៅភាគខាងកើតខេត្ត Nangarhar កាលពីថ្ងៃសៅរ៍។ នេះបើយោងតាមរយ: សារព័ត៌មានចិនស៊ិនហួរ ចេញផ្សាយនៅថ្ងៃទី២៥ ខែមិថុនា ឆ្នាំ២០១៦។

អំឡុងពេលការវាយប្រហារនេះ បើយោងតាមប្រព័ន្ធផ្សព្វផ្សាយ បានឲ្យដឹងថា ពួកសកម្មប្រយុទ្ធជាង ៣២នាក់ទៀតបានរងរបួស នៅក្នុងស្រុក Kot និង Achin។

គួរបញ្ជាក់ដែរថា ស្រុក Kot និង Achin ត្រូវបានគេចាត់ទុកថា ជាមូលដ្ឋានរបស់ពួកសកម្មប្រយុទ្ធ IS នៅក្នុងប្រទេសអាហ្វហ្គានីស្ថាន៕