ព័ត៌មានអន្តរជាតិ

កាន់តែគ្រោះថ្នាក់ រលកកំដៅ កំពុងវាយប្រហារនៅជប៉ុន ជាមួយសីតុណ្ហភាពទ្បើងដល់ ៤១.១ អង្សាសេ

ជប៉ុន: មន្ដ្រីក្នុងប្រទេស បានចេញការព្រមានថ្មី នៅថ្ងៃច័ន្ទនេះថា រលកកម្ដៅបានកើនទ្បើងកាន់តែខ្ពស់ នៅទីក្រុងតូក្យូ ក្នុងរយ:ពេលត្រឹមតែ ២ ឆ្នាំប៉ុណ្ណោះ ខណ:ដែលទីក្រុងមួយនេះ នឹងត្រូវរៀបចម្ការប្រកួតកីឡាអូឡាំពិករដូវក្តៅឆ្នាំ ២០២០ខាងមុខ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៣ ខែកក្កដា ឆ្នាំ២០១៨។

ប្រភពដដែលបាននិយាយ កាលពីសប្តាហ៍មុនថា រលកកម្តៅ បានសម្លាប់មនុស្សយ៉ាងហោចណាស់ ១៥ នាក់ ខណ:ដែលអ្នកជំងឺជាង ១២,០០០ នាក់ទៀតត្រូវចូលមន្ទីរពេទ្យ ក្នុងរយ:ពេលពីរសប្តាហ៍ដំបូង នៃខែកក្កដានេះ។

ទីភ្នាក់ងារព័ត៌មានក្យូដូ បានរាយការណ៍ថា តួលេខមនុស្សស្លាប់ អាចនឹងមានការទ្បើងទ្វេដង បន្ទាប់ពីមនុស្ស ១១ នាក់ បានស្លាប់ កាលពីថ្ងៃសៅរ៍ នៅទូទាំងប្រទេសជប៉ុន។

សូមជំរាបថា គិតមកទល់ពេលនេះ រលកកម្ដៅបានបង្កើតនូវកំណត់ត្រាថ្មី នៅទូទាំងប្រទេស ជាមួយនឹងសីតុណ្ហភាពកើនទ្បើងរហូតដល់ ៤១.១ អង្សាសេឯណ្ណោះ៕

មតិយោបល់