Post News Media ព័ត៌មានអន្តរជាតិ អ៊ីរ៉ង់ ព្រមា...

អ៊ីរ៉ង់ ព្រមានលុបចោលកិច្ចព្រមព្រៀងនុយក្លេអ៊ែរ ជាមួយបណ្ដាលរដ្ឋមហាអំណាច

អ៊ីរ៉ង់: មេដឹកនាំកំពូលរបស់អ៊ីរ៉ង់លោក Ali Khamenei បានព្រមានថា ក្រុងតេអេរ៉ង់ អាចនឹងបោះបង់កិច្ចព្រមព្រៀងនុយក្លេអ៊ែររបស់ខ្លួន ជាមួយបណ្ដាលមហាអំណាចពិភពលោក ខណ:ដែលមានការសង្ស័យ ចំពោះលទ្ធភាពរបស់បណ្តារដ្ឋអ៊ឺរ៉ុប ក្នុងការរក្សាទុកកិច្ចព្រមព្រៀងមួយនេះ ក្រោយពីការដកខ្លួនចេញរបស់អាមេរិក។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី៣០ ខែសីហា​ ឆ្នាំ២០១៨។

លោក Ali Khamenei បាននិយនៅក្នុងកិច្ចប្រជុំមួយ ជាមួយប្រធានាធិតបតីលោក Hassan Rouhani និងគណ:រដ្ឋមន្ត្រីរបស់លោក កាលពីថ្ងៃពុធថា ពួកគេគួរតែបោះបង់ចោលក្ដីសង្ឃឹមលើអឺរ៉ុប ចំពោះបញ្ហាសេដ្ឋកិច្ច ឬកិច្ចព្រមព្រៀងនុយក្លេអ៊ែរ។

ដោយលោកបានបញ្ជាក់ថា កិច្ចព្រមព្រៀងគ្រាន់តែជាអនត្ថន័យបង្ហាញ តែមិនមែនជាគោលដៅអាចឆ្ពោះទៅទេ ហើយប្រសិនបើអ៊ីរ៉ង បានមកដល់ចំណុចបញ្ចប់ ដែលមិនអាចរក្សាវាឲ្យបម្រើផលប្រយោជន៍ជាតិនោះ យើងគួរតែបោះបង់វាចោលទៅ។

ក្នុងនោះលោក Khamenei ក៏បានបន្ថែមទៀតថា អ៊ីរ៉ង់ នឹងមិនចរចាជាមួយមន្ត្រីអាមេរិក ដែលមានឥរិយាបថមិនទៀងត្រង់ ហើយនិយាយស្ដីមិនប្រុងប្រយ័ត្ន ចំពោះកិច្ចព្រមព្រៀងថ្មីនោះទេ ៕