ឥណ្ឌា: មន្រ្តីបាននិយាយនៅថ្ងៃសៅរ៍នេះថា យ៉ាងហោចណាស់មនុស្សពីរនាក់ រួមទាំងនាវិកម្នាក់បានស្លាប់ និងពីរនាក់ផ្សេង ទៀតរងរបួស បន្ទាប់ពីបានស្រូបផ្សែងពុលនៅលើនាវាជើងទឹកប្រភេទ INS Vikramaditya របស់ប្រទេសឥណ្ឌា។ នេះបើយោងតាមការចេញផ្សាយដោយសារសារព័ត៌មានចិនស៊ិនហួ នៅថ្ងៃទី១១ មិថុនានេះ។

បើយោងតាមកងទ័ពជើងទឹកឥណ្ឌាបានឲ្យដឹងថា នាវាផ្ទុកយន្តហោះដ៏ធំនេះ បានទទួលការជួសជុលផ្នែកបច្ចេកទេស ដែលបានផលិតឡើងដោយជនជាតិរុស្សី នៅក្នុងទីក្រុង Karwar នៅភាគនិរតីក្នុងរដ្ឋ Karnataka ហើយហេតុការណ៍នេះ បានកើតឡើងកាលពីល្ងាចថ្ងៃសុក្រ។

ដោយសារតែស្រូបដង្ហើមចូលនៃផ្សែងពុលនេះ នាវិករបស់កងទ័ពជើងទឹកពីរនាក់និងជនស៊ីវិលពីរនាក់ ត្រូវបានកម្មករបញ្ជូនទៅមន្ទីរពេទ្យ​កងទ័ពជើង​ទឹក​ជម្លៀសនៅទីក្រុង Karwar។

នាវាដឹកយន្តហោះ INS Vikramaditya ត្រូវបានចាត់ទុកថាជាកងនាវាចរធំបំផុតរបស់ឥណ្ឌាបានបំពាក់ជាមួយនឹងភាពខុសគ្នានៃអាវុធសំខាន់​និងឧបករណ៍ចាប់សញ្ញា។ កងទ័ពជើងទឹកបានបញ្ជាឱ្យស៊ើបអង្កេតនៅទៅក្នុងឧបទ្ទវហេតុខាងលើនេះ។

សូមបញ្ជាក់ថា បើយោងតាមប្រព័ន្ធផ្សព្វផ្សាយរដ្ឋរបស់ប្រទេសឥណ្ឌា បានឲ្យដឹងថា នាវានេះត្រូវបានទទួលការជួសជុលថែទាំតាំងពីថ្ងៃទី០១ ខែមិថុនា។ ហើយកាលពីខែមេសាឆ្នាំនេះ បុគ្គលិកកងទ័ពជើងទឹកឥណ្ឌាចំនួនបីនាក់​​បានរងរបួសធ្ងន់ធ្ងរ នៅក្នុងការផ្ទុះនៅលើនាវាជើងទឹក INS Nireekshak ៕