Post News Media ព័ត៌មានអន្តរជាតិ Update៖ មនុស្...

Update៖ មនុស្សស្លាប់ប្រមាណជាជិត ៥០នាក់ បន្ទាប់ពីផ្ទុះព្រលានយន្តហោះ Ataturk នៅតួកគី

តួកគី: បើតាមមន្ត្រីតួកគី បាននិយាយថា មនុស្សប្រមាណជាជិត ៥០នាក់បានស្លាប់ ខណ:ដែលជាច្រើននាក់ ទៀតរងរបួស នៅក្នុងការបំផ្ទុះគ្រាប់បែកអត្តឃាតពីរលើក បានវាយប្រហារព្រលានយន្តហោះ Ataturk ក្នុងក្រុងអ៊ីស្តង់ប៊ុលកាលពីល្ងាចថ្ងៃអង្គារ ដោយបង្ខំឲ្យផ្អាកការហោះហើរទាំងអស់ នៅប្រទេសតួកគី។ នេះបើយោងតាមរយ: សារព័ត័មានចិនស៊ិនហួរ ចេញផ្សាយមុននេះបន្តិច នៅព្រឹកទៀបភ្លឺថ្ងៃទី២៩ ខែមិថុនា ឆ្នាំ២០១៦។

រដ្ឋមន្ត្រីក្រសួងយុត្តិធម៍តួកគីលោក Bekir Bozdag បាននិយាយថា នៅទីក្រុងអង់ការ៉ា មានភេរវកម្មមួយ បានបើកការបាញ់ប្រហារចៃដន្យ បន្ទាប់ពីបុរសម្នាក់បានបំផ្ទុះខ្លួនឯងនៅឯព្រលានយន្តហោះ ដែលជាលទ្ធផលធ្វើឲ្យមនុស្សយ៉ាងហោចណាស់ ២៨ នាក់ស្លាប់និង ៦៩នាក់ទៀតរងរបួស។

របាយការណ៍កាសែត ដោយបានលើកឡើងពីសាក្សីឃើញផ្ទាល់ភ្នែក បាននិយាយអំពីភេរវករទាំងពីរ អំទ្បុងពេលដែលប្រព័ន្ធផ្សព្វផ្សាយសង្គម បានបញ្ជាក់តួលេខនៃការរងរបួសមានយ៉ាងហោចណាស់ ៤០នាក់៕