Post News Media ព័ត៌មានអន្តរជាតិ អាមេរិក យល់ព្...

អាមេរិក យល់ព្រមលក់អាវុធយោធាទៅឲ្យកោះតៃវ៉ាន់ ក្នុងទំហំទឹកប្រាក់ចំនួន ៣៣០ លានដុល្លារ

អាមេរិក: ប្រភពពីក្រុមមន្ត្រី បានឲ្យដឹងថា ក្រសួងការបរទេសអាមេរិក បានយល់ព្រមលក់អាវុធយោធា ដែលមានតម្លៃ ៣៣០ លានដុល្លារទៅឲ្យកោះតៃវ៉ាន់ ខណ:ដែលអត្រាដំទ្បើងពន្ធចុងក្រោយ របស់ប្រធានាធិបតី លោក ដូណាល់ ត្រាំ ស្តីពីការនាំចូលរបស់ចិន ត្រូវបានចូលជាធរមាន។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី២៥ ខែកញ្ញា ឆ្នាំ២០១៨។

កាលពីថ្ងៃច័ន្ទ ក្រសួងការបរទេសអាមេរិក បាននិយាយនៅក្នុងសេចក្តីថ្លែងការណ៍មួយថា កោះឯករាជ្យដែលត្រូវបានក្រុងប៉េកាំង ចាត់ទុកថា ជាផ្នែកមួយនៃទឹកដីរបស់ខ្លួន នឹងទទួលបានគ្រឿងបន្លាស់ស្តង់ដារ សម្រាប់យន្តហោះជាច្រើនគ្រឿង រួមមានទាំងយន្តហោះចម្បាំង F-16 និងយន្តហោះ C-130 ផងដែរ។

ប្រភពដដែល បានបញ្ជាក់ថា សភាមានរយ:ពេល ៣០ ថ្ងៃ ដើម្បីធ្វើការជំទាស់ ចំពោះការលក់នេះ ខណ:ដែលក្រសួងការបរទេស ទំនងជាមិនអាចកំណត់បានទេថា កោះតៃវ៉ាន់ នៅតែបន្តជាកម្លាំងដ៏សំខាន់មួយ សម្រាប់ស្ថិរភាពនយោបាយ តុល្យភាពយោធា និងការរីកចម្រើនផ្នែកសេដ្ឋកិច្ច ក្នុងតំបន់នោះ។

ទោះជាយ៉ាងនេះក្ដី រដ្ឋាភិបាលក្រុងវ៉ាស៊ីនតោន នៅតែជាសម្ព័ន្ធមិត្តក្រៅផ្លូវការដ៏រឹងមាំបំផុតរបស់ក្រុងតៃប៉ិ និងជាអ្នកផ្គត់ផ្គង់អាវុធដ៏សំខាន់ៗ បើទោះបីជាមានការផ្លាស់ប្តូរ ការទទួលស្គាល់ផ្នែកការទូតទៅទីក្រុងប៉េកាំង កាលពីឆ្នាំ ១៩៧៩ ក៏ដោយ៕

Loading...