Post News Media ព័ត៌មានអន្តរជាតិ មេដឹកនាំអ៊ីស្...

មេដឹកនាំអ៊ីស្រាអែល ថា «ផ្លូវរូងភេរវកម្មក្រោមដី ដែលជីកតាមព្រំដែនលីបង់ គឺជាទង្វើនៃសង្គ្រាម»

អ៊ីស្រាអែល: នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ ហាក់បីដូចជាខិតខំប្រឹងប្រែង ក្នុងពេលដែលលោកធ្វើអធិប្បាយ ដើម្បីបញ្ចុះបញ្ចូលសហគមន៍អន្តរជាតិ អំពីការប្រឈមមុខនឹងគំរាមកំហែងរបស់ក្រុម Hezbollah ទៅកាន់អ៊ីស្រាអែល។ នេះបើយោងតាមសារព័ត៌មាន Sky News ចេញផ្សាយនៅថ្ងៃទី១៩ ខែធ្នូ ឆ្នាំ២០១៨។

មិនមែនជាគ្រាំទ្រ ដូចដែលគេបានមើលឃើញពីនាយករដ្ឋមន្ត្រីអ៊ីស្រាអែល ធ្លាប់បានធ្វើវាកាលពីពេលកន្លងមកនោះទេ ប៉ុន្តែការនិយាយជាភាសាអង់គ្លេសរបស់លោក ត្រូវបានសំដៅយ៉ាងច្បាស់ ទៅកាន់អន្តរជាតិ។

តាមរយ:ការលើកទ្បើងនេះ អាចឲ្យគេរំពឹងថា អ៊ីស្រាអ៊ែល នឹងចាត់វិធានការយោធាឯកតភាព ប្រសិនបើអង្គការសហប្រជាជាតិ ខកខានមិនបានធ្វើសកម្មភាព ទៅលើករណីខាងលើ។

ចាប់តាំងពីថ្ងៃទី៤ ខែធ្នូកន្លងមកនេះ អ៊ីស្រាអែលបានរកឃើញ ផ្លូវរូងភេរវកម្មក្រោមដីចំនួន ៤ ដែលបានជីកនៅក្រោមព្រំដែនចេញមកពីប្រទេសលីបង់។

ដោយនាយករដ្ឋមន្ត្រីអ៊ីស្រាអែល បាននិយាយថា «នេះមិនមែនគ្រាន់តែជាការឈ្លានពាននោះទេ តែវាគឺជាទង្វើនៃសង្រ្គាមមួយ»៕