Post News Media ព័ត៌មានជាតិ អ្នកបើករ៉ឺម៉ក...

អ្នកបើករ៉ឺម៉កPass Appម្នាក់ បន្លំយកទូរសព្ទម៉ាក Iphone X7របស់ភ្ញៀវជាជនបរទេស សំណាងអាក្រក់ទូរសព្ទមានជាប់អាយខ្លោត!

ភ្នំពេញ: មានការភ្ញាក់ផ្អើលមួយបានកើតឡើង ខណ:ដែលមានជនបរទេសចំនួន២នាក់ ជួលរ៉ឺម៉កPassApp ជិះដើរលេងកម្សាន្តក្នុងរាជធានីភ្នំពេញ ហើយបានចូលក្នុងម៉ាតមួយកន្លែង នៅម្តុំស្តុបបូកគោ ក្នុងបំណងទិញអីវ៉ាន់ តែពេលនោះជនបរទេសដែលជាភ្ញៀវបានភ្លេចទូរសព្ទនៅលើម៉ូតូ ទើបចេញពីក្នុងម៉ាត មកសួរម្ចាស់រ៉ឺម៉កPassApp ប៉ុន្តែម្ចាស់ម៉ូតូបែរជាបដិសេធ។

ក្រោយមក ដោយសារទូរសព្ទរបស់ជនបរទេសខាងលើ ម៉ាក Iphone X7 មានជាប់អាយខ្លោត ទើបជនបរទេសទាំង២នាក់ ក៏បានជួបនឹងបុរសខ្មែរ២នាក់ទៀត បានជួយមើល ឃើញសញ្ញាអាយខ្លោតនោះ លោតក៏តាមសញ្ញានោះ រហូតដល់ម្តុំបុរីឡាយគង់ ហើយក៏ភាគីខាងជនបរទេស បានចរចារជាមួយម្ចាស់រ៉ឺម៉កPass App អស់រយ:ពេលយូរ តែបុរសនោះនៅតែបដិសេធដដែល ដោយសារមិនទទួលកំហុស ទើបបុរសខ្មែរ២នាក់ដែលជួយជនបរទេសខាងលើ បានទៅរាយការណ៍នៅប៉ុស្តិ៍រដ្ឋបាលសង្កាត់ដង្កោ ដើម្បីឲ្យសមត្ថកិច្ចចុះអន្តរាគមន៍ ។ ក្រោយពីឃើញសមត្ថកិច្ច ទើបភាគីខាងរ៉ឺម៉ក Pass App បានព្រមប្រគល់ទូរសព្ទខាងលើឲ្យទៅម្ចាស់ពិតប្រាកដ ដែលជាជនបរទេសនោះវិញ។ ចំណែកបុរសរូបនោះ ត្រូវបានសមត្ថកិច្ចឃាត់ខ្លួន យកទៅអប់រំ ណែនាំ រួចអនុញ្ញាតឲ្យត្រឡប់ទៅផ្ទះវិញ ព្រោះភាគីខាងម្ចាស់ទូរសព្ទមិនបានដាក់ពាក្យបណ្តឹងទេ។

សូមបញ្ជាក់ថា ករណីនេះកើតឡើងនៅម៉ោង១២ និង៥នាទីយប់ឈានចូលថ្ងៃទី២៩ ខែធ្នូ ឆ្នាំ២០១៨ ក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ៕