អាមេរិក: ប្រធានាធិបតីអាមេរិកលោក ដូណាល់ ត្រាំ បានព្រមានបន្ដបិទផ្នែកខ្លះនៃរដ្ឋាភិបាលអាមេរិក ក្នុងរយ:ពេលយូរ ដែលមកទល់ពេលនេះ វាបានចូលដល់ថ្ងៃទី ១២ នៃការបិទរដ្ឋាភិបាលហើយ ជាមួយនឹងជំហរដ៏រឹងមាំរបស់លោក ក្នុងការទាមទារប្រាក់រាប់ពាន់លានដុល្លារ សម្រាប់កសាងរបងព្រំដែន ជាមួយម៉ិកស៊ិក។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៣ ខែធ្នូ ឆ្នាំ២០១៩។

នៅមួយថ្ងៃមុនពេលដែលគណបក្សប្រជាធិបតេយ្យ បានកាន់កាប់សភាតំណាងរាស្ដ្រ លោក ត្រាំ មិនបានមើលឃើញថា ពួកគេបានបង្ហាញពីសញ្ញានូវការគាំទ្រ ស្ដីពីការទទូចរបស់លោកលើទឹកប្រាក់ចំនួន ៥.៦ ពាន់លានដុល្លារ សម្រាប់ការសាងជញ្ជាំងព្រំដែន ភាគខាងត្បូងដ៏ស្អាតរបស់លោកទ្បើយ។

ដោយការលើកទ្បើងនេះ លោកត្រាំ បាននិយាយនៅក្នុងកិច្ចប្រជុំគណ:រដ្ឋមន្រ្តីមួយ នៅមុនពេលនៃកិច្ចចរចានៅសេតវិមាន ជាមួយសមាជិកសភាជាន់ខ្ពស់ប្រជាធិបតេយ្យ និងគណបក្សសាធារណរដ្ឋ។

ក្នុងនោះលោកប្រធានាធិបតី បានមានប្រសាសន៍ថា «លោក បានត្រៀមរួចជាស្រេច ដើម្បីរក្សានូវគោលជំហររបស់លោក ក្នុងការធានាឲ្យបាននូវប្រាក់ ដែលលោក កំពុងស្វែងរកពីសភា ដែលវាអាចអូសបន្លាយពេលដ៏យូរ មុនពេលរដ្ឋាភិបាលបើកសាជាថ្មី៕