Post News Media ព័ត៌មានអន្តរជាតិ ចិន​៖ កិច្ចចរ...

ចិន​៖ កិច្ចចរចាពាណិជ្ជកម្ម ​ជាមួយ​អាមេរិក បានបង្កើតមូលដ្ឋានគ្រឹះ ដើម្បីដោះស្រាយកង្វល់

ចិន: រដ្ឋាភិបាលក្រុងប៉េកាំង ​នៅ​ថ្ងៃ​ព្រ​ហ​ស្ប​ត៍នេះ បាននិយាយ​ថា កិច្ចចរចាពាណិជ្ជកម្ម​រយ:ពេល៣​ថ្ងៃ ​ជាមួយ​អាមេរិក ​បានបង្កើតមូលដ្ឋានគ្រឹះ សម្រាប់ការដោះស្រាយកង្វល់នានា នៅក្នុង​ជម្លោះ​ពាណិជ្ជកម្ម​ណាមួយ រវាង​មហាអំណាច​សេដ្ឋកិច្ច​ធំ​បំផុត​ទាំងពីរ​។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១០ ខែមករា ឆ្នាំ២០១៨។​

​ក្រសួងពាណិជ្ជកម្ម​ចិន​ បាន​និយាយថា កិច្ចពិភាក្សា​នៅ​ក្រុង​ប៉េកាំង​នា​សប្តាហ៍​នេះ ​«​បើកទូលាយ និងស៊ីជម្រៅ ​​ដោយបាន​បង្កើត​មូលដ្ឋាន​មួយ ​សម្រាប់ដំណោះស្រាយ​​នៃ​ការព្រួយបារម្ភ​ផ្សេងៗ​»​។​

ដោយអាមេរិក​បាន​រំលេច​ឲ្យឃើញ​ អំពី​ការសន្យា​របស់​ចិន​ថា ​នឹង​ទិញ​កសិផល​ រួមទាំង​ទំនិញ​ដទៃទៀត ​របស់​អាមេរិក​ច្រើនឡើង។ ​ភាគី​ទាំងពីរ​មិនបាន​​បញ្ជាក់ថា ​នឹង​ជួបប្រជុំគ្នា​ជាថ្មី​ នៅពេលណា​ទេ តែ​បាន​សន្យា​បន្ត​ទាក់ទង​គ្នា​ជាបន្តបន្ទាប់។​

​សូមជំរាបថា កិច្ចពិភាក្សា​នៃ​មន្ត្រី​កម្រិត​កណ្តាល​នេះ ត្រូវ​បានបញ្ចប់​កាលពី​ថ្ងៃ​ពុធ​សប្ដាហ៍នេះ តែ​នៅ​មិនទាន់​សំរេច​កិច្ចព្រមព្រៀង​ចុងក្រោយ​ណាមួយ​នៅទ្បើយទេ​៕