ជប៉ុន: ករណីគ្រោះរញ្ជួយដីដ៏ខ្លាំងក្លាកម្រិត ៦.៦ រ៉ិចទ័រ បានវាយប្រហារនៅកោះហុកកៃដូ នៅថ្ងៃព្រហស្បតិ៍នេះ បានបង្កឲ្យមានការរអិលបាក់ដី និងបំផ្លាញផ្ទះជាច្រើនខ្នង។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៦ ខែកញ្ញា ឆ្នាំ២០១៨។

យ៉ាងហោចណាស់មនុស្សម្នាក់ ត្រូវបានគេរាយការណ៍ថា បានស្លាប់បាត់បង់ជីវិត ខណ: ៣២ នាក់ទៀត កំពុងបាត់ខ្លួន និង ១២០ នាក់បានរងរបួស បន្ទាប់ពីហេតុការណ៍មួយនេះបានកើតឡើង។

សូមជំរាបថា រញ្ជួយដីនេះ បានវាយប្រហារនៅជម្រៅរាក់ ចម្ងាយ ៦២ គីឡូម៉ែត្រពីភាគអាគ្នេយ៍នៃរដ្ឋធានី Sapporo ដោយមកទល់ពេលនេះ ពុំទាន់មានការប្រកាសអាសន្ន ពីរលកយក្សស៊ូណាមីនោះទេ៕