រុស្ស៊ី: ប្រធានាធិបតីរុស្ស៊ីលោក វ្លាឌីមៀរ ពូទីន បានអំពាវនាវឲ្យមានស្ថេរភាពនៅតំបន់ Balkans ក្នុងអំឡុងពេលដំណើរទស្សនកិច្ចរបស់លោក ទៅកាន់ប្រទេសស៊ែប៊ី ដើម្បីបង្ហាញពីការគាំទ្រដល់មេដឹកនាំប្រជានិយម និងគោលនយោបាយគាំទ្ររបស់ទីក្រុងម៉ូស្គូ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៨ ខែមករា ឆ្នាំ២០១៩។
បន្ទាប់ពីបានមកដល់ ដោយមានការស្វាគមន៍ ជាមួយកម្រាលព្រំពណ៌ក្រហម នៅរដ្ឋធានី Belgrade កាលពីថ្ងៃព្រហស្បតិ៍ លោកពូទីន បាននិយាយថា លោកនឹងគាំទ្រកិច្ចខិតខំប្រឹងប្រែង ដើម្បីរក្សាភាពស្ងប់ស្ងាត់ នៅក្នុងតំបន់ ដែលការលើកទ្បើងនេះ បានកើតទ្បើងមួយថ្ងៃបន្ទាប់ពីការចោទប្រកាន់លោកខាងលិច អំពីការធ្វើឲ្យអស្ថិរភាពនៅតំបន់ Balkans តាមរយ:កិច្ចខិតខំប្រឹងប្រែង ដើម្បីជំរុញសមាជិក NATO។
លោកពូទីន បានប្រាប់ក្រុមអ្នកយកព័ត៌មាន នៅឯសន្និសីទព័ត៌មានរួមគ្នាមួយ ជាមួយលោកប្រធានាធិបតីស៊ែប៊ី Aleksandar Vucic ថា «រុស្ស៊ី ក៏ដូចជាប្រទេសស៊ែរប៊ី កំពុងចាប់អារម្មណ៍លើស្ថានការណ៍ នៅតំបន់ Balkans ដែលចង់មានស្ថិរភាព និងមិនចង់ឲ្យទីនោះក្លាយជាតំបន់គ្រោះថ្នាក់ទ្បើយ»៕
មតិយោបល់