Post News Media ព័ត៌មានអន្តរជាតិ លោក ត្រាំ លុប...

លោក ត្រាំ លុបចោលដំណើរទស្សនកិច្ចរបស់គណ:ប្រតិភូអាមេរិក ទៅកាន់ទីក្រុងដាវ៉ូស

អាមេរិក: សេតវិមាន បាននិយាយកាលពីថ្ងៃព្រហស្បតិ៍ថា ប្រធានាធិបតីអាមេរិកលោក ដូណាល់ ត្រាំ បានលុបចោលដំណើរទស្សនកិច្ចរបស់គណ:ប្រតិភូរបស់លោក ទៅកាន់វេទិកាសេដ្ឋកិច្ចពិភពលោក នៅទីក្រុងដាវ៉ូស ដោយសារតែការបិទរដ្ឋាភិបាល។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១៨ ខែមករា ឆ្នាំ២០១៩។

អ្នកនាំពាក្យសេតវិមានលោកស្រី Sarah Sanders បាននិយាយនៅក្នុងសេចក្តីថ្លែងការណ៍មួយថា ដោយសារការពិចារណាទៅលើបុគ្គលិកអាមេរិកចំនួន ៨០០,០០០ នាក់ ដែលមិនទទួលបានប្រាក់ខែ ក៏ដូចជាដើម្បីធានាថា ផែនការរបស់ក្រុមខ្លួន អាចសម្រេចទៅបាន លោក ត្រាំ បានលុបចោលដំណើរទស្សនកិច្ចគណ:ប្រតិភូរបស់លោក ទៅកាន់វេទិកាសេដ្ឋកិច្ចពិភពលោក នៅក្នុងទីក្រុងដាវ៉ូស ប្រទេសស្វីស។

ក្នុងនោះលោក ត្រាំ បានលុបចោលដំណើរទស្សនកិច្ចរបស់លោក ទៅកាន់រមណីយដ្ឋាន ជិះស្គីប្រទេសស្វីស កាលពីសប្តាហ៍មុន ដោយសារតែការបិទរដ្ឋាភិបាល នៅតែបន្តធ្វើទ្បើង ហេតុដូច្នោះ លោកបានស្នើសុំឲ្យគណ:ប្រតិភូសអាមេរិក ដែលដឹកនាំដោយលេខាធិការរតនាគារលោក Steven Mnuchin ចូលរួមវេទិកាប្រចាំឆ្នាំ ជំនួសវិញ៕

Loading...