Post News Media ព័ត៌មានអន្តរជាតិ រុស្ស៊ី ផ្ទុះ...

រុស្ស៊ី ផ្ទុះកំហឹងថា វាជាល្បែង ដែលអាមេរិកទុករយ:ពេល ៦០ថ្ងៃ ឲ្យខ្លួនអនុលោមតាមសន្ធិសញ្ញា INF

រុស្ស៊ី: អនុរដ្ឋមន្ត្រីក្រសួងការបរទេសរុស្ស៊ី លោក Sergei Ryabkov បាននិយាយនៅថ្ងៃព្រហស្បតិ៍នេះថា ក្រុងម៉ូស្គូ នឹងបន្តធ្វើការឆ្ពោះទៅរកដំណោះស្រាយលើសន្ធិសញ្ញា INF ដែលកំពុងមានជម្លោះ ដោយបន្ថែមថា បញ្ហានេះ នឹងមានការលំបាកជាងមុន ពីព្រោះកាលបរិច្ឆេទរយ:ពេល ៦០ ថ្ងៃ ដែលកំណត់ដោយក្រុងវ៉ាស៊ីនតោន គឺជាការប្រកួតប្រជែងមួយ ដែលគ្របសង្កត់លើការសម្រេចចិត្ត ឲ្យបញ្ចប់កិច្ចព្រមព្រៀងមួយនេះ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី៣១ ខែមករា ឆ្នាំ២០១៩។

លោក Ryabkov បានថ្លែងថា អាមេរិកមិនបានរំពឹងទេថា នឹងមានចម្លើយពីរុស្ស៊ីបែបណា បន្ទាប់ពីពួកគេ បានកំណត់រយ:ពេល ៦០ថ្ងៃ ដើម្បីអំពាវនាវឱ្យក្រុងម៉ូស្គូ អនុលោមតាមសន្ធិសញ្ញាកងកម្លាំងនុយក្លេអ៊ែរកម្រិតមធ្យម (INF) ។

ក្នុងនោះលោក បានបញ្ជាក់ថា កាលកំណត់កាលបរិច្ឆេទរបស់អាមេរិក ឲ្យរុស្ស៊ី ត្រូវបំពេញនូវឱសានវាទរបស់ពួកគេ ជាហេតុនាំឲ្យលោកសន្និដ្ឋានថា ក្រុងវ៉ាស៊ីនតោន មិនរំពឹងថា នឹងមានការសម្រេចចិត្តណាមួយនោះទេពីរុស្ស៊ី ហើយនេះ គឺជាការប្រកួតមួយ ត្រូវបានធ្វើឡើង ដើម្បីគ្របសង្កត់លើការសម្រេចចិត្តរបស់រុស្ស៊ី ដើម្បីអាចឲ្យអាមេរិក អាចដកខ្លួនចេញពីសន្ធិសញ្ញា INF៕

Loading...