វ៉េណេស៊ុយអេឡា: លោក Juan Guaido ដែលតាំងខ្លួនឯងជាប្រធានាធិបតីបណ្ដោះអាសន្នរបស់វ៉េណេស៊ុយអេឡា បានបង្ហាញទស្សនវិស័យទូលំទូលាយរបស់គណបក្សខ្លួន ចំពោះអនាគតប្រទេស កាលពីថ្ងៃព្រហស្បតិ៍ ចំពេលមានវិបត្តិនយោបាយ នៅក្នុងប្រទេសកាន់តែតានតឹង។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១ ខែកុម្ភ: ឆ្នាំ២០១៩។

លោក Guaido បាននិយាយនៅមហាវិទ្យាល័យសេដ្ឋកិច្ច និងសង្គមវិទ្យាសាស្ត្រនៃសកលវិទ្យាល័យវ៉េណេស៊ុយអេឡា កាលពីថ្ងៃព្រហស្បតិ៍ថា «យើងមានផែនការ ទៅលើរចនាសម្ព័ន្ធ សម្រាប់ធ្វើការពិចារណា ដោយលោកកត់សម្គាល់ថា វាជាការលះបង់ដ៏ធំ»។

ដោយផែនការជាតិនេះ នឹងផ្តោតលើចក្ខុវិស័យរបស់គណបក្សប្រឆាំង សម្រាប់សេដ្ឋកិច្ច និងធនធានប្រេង ប៉ុន្តែវាក៏ត្រូវការដោះស្រាយនូវសេវាសាធារណ: សន្តិសុខ ការគ្រប់គ្រង និងសង្គមផងដែរ។

ក្នុងនោះលោក Guaido បាននិយាយថា វានឹងមានអ្វីមួយ សម្រាប់មនុស្សគ្រប់គ្នា នៅក្នុងសង្គមត្រូវធ្វើ ដើម្បីឲ្យវេណេហ្ស៊ុយអេឡា អាចផ្លាស់ប្តូរទៅមុខ រួមទាំងផ្នែកយោធាផង៕