Post News Media ព័ត៌មានអន្តរជាតិ យោធាអាមេរិក ន...

យោធាអាមេរិក នឹងត្រូវដកចេញពីប្រទេសស៊ីរីទាំងអស់ នៅចុងខែមេសា

ស៊ីរី: តាមប្រព័ន្ធផ្សព្វផ្សាយ បានរាយការណ៍ថា រដ្ឋាភិបាលអាមេរិក នឹងដកកងកម្លាំងរបស់ខ្លួនចេញពីប្រទេសស៊ីរី នៅដំណាច់ខែមេសាខាងមុខ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី៨ ខែកុម្ភ: ឆ្នាំ២០១៩។

ដកស្រង់សម្ដីពីអតីតមន្ត្រី និងមន្ត្រីបច្ចុប្បន្នអាមេរិក កាសែត Wall Street Journal បានរាយការណ៍កាលពីថ្ងៃព្រហស្បតិ៍ថា យោធាអាមេរិក កំពុងរៀបចំដកកងទ័ពទាំងអស់របស់ពួកគេ ដែលបានដាក់ពង្រាយនៅក្នុងប្រទេសស៊ីរី នៅចុងខែមេសា។

កាលពីថ្ងៃពុធមន្ត្រីជាន់ខ្ពស់អាមេរិកម្នាក់ បានប្រាប់ក្រុមអ្នកសារព័ត៌មានថា តំបន់ At Tanf របស់ស៊ីរី នឹងជាកន្លែងចុងក្រោយ នៅក្នុងប្រទេស ដែលទាហានអាមេរិក បានចាកចេញនៅពេលពួកគេ អនុវត្តបទបញ្ជាដកទ័ពដែលបានគ្រោងទុក ដោយមន្ត្រីរូបនេះ បន្ថែមទៀតថា អាមេរិក នឹងបន្តក្លាយជាម្ចាស់ជំនួយមនុស្សធម៌លេខរៀងទី១ ដើម្បីស៊ីរី៕