Post News Media ព័ត៌មានអន្តរជាតិ រុស្ស៊ី កំពុង...

រុស្ស៊ី កំពុងប្រកួតប្រជែងផ្នែកការពាររបស់អាមេរិក ក្នុងវិស័យអភិវឌ្ឍសមត្ថភាពអវកាស

រុស្ស៊ី: ទីភ្នាក់ងារស៊ើបការណ៍សម្ងាត់អាមេរិក (DIA) បាននិយាយនៅក្នុងការវាយតម្លៃថ្មីមួយ ដែលមានចំណងជើងថា «ការប្រកួតប្រជែងផ្នែកសន្តិសុខក្នុងលំហ» ដោយលើកទ្បើងថា រុស្ស៊ីទំនងជាកំពុងបន្តរុករកអាវុធថាមពល ក្នុងនោះរួមមានទាំងឡាស៊ែរ ដែលអាចទាញយកផ្កាយរណបរបស់សត្រូវ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី១២ ខែកុម្ភ: ឆ្នាំ២០១៩។

របាយការណ៍នេះ បានឲ្យដឹងកាលពីថ្ងៃច័ន្ទថា «រុស្ស៊ីទំនងជាកំពុងស្វែងរកអាវុធឡាស៊ែរ ដើម្បីធ្វើការរំខាន ឬបំផ្លាញផ្កាយរណប ក៏ដូចជាឧបករណ៍ចាប់សញ្ញារបស់ពួកគេ»។

កាលពីឆ្នាំមុននៅអំទ្បុងខែកក្កដា របាយការណ៍នេះ បានបន្ថែមថា រុស្ស៊ីបានចាប់ផ្តើមបញ្ជូនប្រព័ន្ធអាវុធឡាស៊ែរ ទៅកាន់កងកម្លាំងអវកាស ដែលទំនងជាមានបំណង សម្រាប់បេសកកម្មប្រឆាំងផ្កាយរណប (ASAT) ។

លើសពីនេះទៅទៀត ឯកសារនេះ ក៏អះអាងផងដែរថា ក្រុងមូស្គូ កំពុងអភិវឌ្ឍបច្ចេកវិទ្យាដំណើរការទ្វេដង នៅលើគន្លងគោចរ ដែលអាចត្រូវបានប្រើ ដើម្បីវាយប្រហារ និងបិទជាអចិន្ត្រៃយ៍នូវផ្កាយរណបរបស់សត្រូវ៕