Post News Media ព័ត៌មានអន្តរជាតិ ចិន បដិសេធសំណ...

ចិន បដិសេធសំណើកងទ័ពជើងទឹកអាមេរិក សម្រាប់ការធ្វើទស្សនកិច្ច នៅកំពង់ផែចំនួនពីរនាពេលខាងមុខ

ចិន: ក្រសួងការពារជាតិអាមេរិក បានបង្ហើបឲ្យដឹងកាលពីថ្ងៃអង្គារថា ប្រទេសចិន បានច្រានចោលការស្នើសុំរបស់កងទ័ពជើងទឹកអាមេរិក ដើម្បីអនុញ្ញាតឱ្យមាននាវាពីរគ្រឿង ធ្វើទស្សកិច្ចកំពង់ផែ នៅទីក្រុងហុងកុង នាប៉ុន្មានសប្តាហ៍ខាងមុខទៀត។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី១៤ ខែសីហា ឆ្នាំ២០១៩។

ដំណឹងនេះ ត្រូវបានគេរាយការណ៍ថា នាវាទាំងពីរគ្រឿង ដែលរដ្ឋាភិបាលអាមេរិក បានស្នើនោះគឺនាវា USS Green Bay និង USS Lake Erie ដោយគ្រោងនឹងធ្វើទស្សនកិច្ចនៅទីក្រុងពាក់កណ្តាលស្វយ័តរបស់ចិន នាចុងខែសីហា និងខែកញ្ញាខាងមុខ។

ទោះយ៉ាងណាការបដិសេធនេះ មិនមែនមិនធ្លាប់មានពីមុននោះទេ ព្រោះចិន ក៏ធ្លាប់បានបដិសេធសំណើស្រដៀងគ្នានេះ កាលពីខែកញ្ញាឆ្នាំ ២០១៨ ម្ដងរួចមកហើយដែរ៕