ប៉ាគីស្ថានៈ នាយករដ្ឋមន្រ្តីប៉ាគីស្ថាន លោក Imran Khan បានព្រមានពលរដ្ឋមិនឲ្យយចូលរួម ក្នុងការប្រយុទ្ធនៅតំបន់កាស្មៀរ ដោយនិយាយថា អាជ្ញាធរឥណ្ឌា កំពុងរង់ចាំលេសណាមួយ ដើម្បីបង្ក្រាបអ្នករស់ នៅក្នុងដែនដីហិម៉ាល័យ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៩ ខែកញ្ញា ឆ្នាំ២០១៩។

លោក Khan បាននិយាយនៅក្នុងសុន្ទរកថាមួយថា «ប្រសិនបើពលរដ្ឋប៉ាគីស្ថាន ណាម្នាក់ ទៅកាន់ឥណ្ឌា នោះពួកគេប្រាកដជាគិតថា អ្នកនោះ នឹងមកប្រយុទ្ធនៅតំបន់កាស្មៀរ … អ្នកចូលទៅដំបូងនោះ នឹងត្រូវបានពួកគេធ្វើបាបយ៉ាងឃោរឃៅ ព្រោះគេចាត់ទុកថា ជាសត្រូវរបស់តំបន់កាស្មៀរ។

សូមជំរាបថា ភាពតានតឹង រវាងប្រទេសមានអាវុធនុយក្លេអ៊ែរទាំងពីរ នៅតំបន់កាស្មៀរ ដែលផ្នែកខ្លះគ្រប់គ្រងដោយឥណ្ឌា និងប៉ាគីស្ថាន បានកើនឡើង ចាប់តាំងពីក្រុងញូវដែលី បានដកហូតសិទ្ធិកាន់កាប់ទឹកដី ដែលប៉ាគីស្ថានគ្រប់គ្រង កាលពីថ្ងៃទី ៥ ខែសីហាមកម៉្លេះ៕