កុងហ្គោ: យ៉ាងហោចណាស់មនុស្ស ៥០ នាក់ ត្រូវបានសម្លាប់ នៅទីក្រុង Kinshasa ជារាជធានីនៃ សាធារណរដ្ឋប្រជាធិបតេយ្យកុងហ្គោ បន្ទាប់ពីមនុស្សរាប់ពាន់នាក់ ធ្វើការតវ៉ាប្រឆាំងនឹងប្រធានាធិបតី លោក Joseph Kabila បានប្រែក្លាយទៅជាអំពើហឹង្សា។ នេះបើយោងតាមរយ: សារព័ត៌មាន RT ចេញផ្សាយនៅថ្ងៃទី២០ ខែកញ្ញា ឆ្នាំ២០១៦។

បាតុកម្មប្រឆាំងនឹងលោក Kabila បានកើតទ្បើងកាលពីថ្ងៃច័ន្ទ ដោយវត្តមានមនុស្សរាប់ពាន់នាក់បានចូលរួម ដែលបង្កឲ្យមានប៉ះទង្គិចគ្នាជាមួយកងកម្លាំងនគរបាល និងសន្តិសុខក្នុងរយ:ពេលខ្លី បន្ទាប់ពីពួកគេ បានចាប់ផ្តើម។

អង្គការក្រៅរដ្ឋាភិបាល និងគណបក្សប្រឆាំង បានចោទប៉ូលិសប្រើឧស្ម័នបង្ហូរទឹកភ្នែក ដើម្បីបំបែកបាតុករ មុនពេលបើកការបាញ់ប្រហារជាមួយគ្រាប់កាំភ្លើងពិត ខណ:ដែលស្ថានភាពការតវ៉ា កាន់តែខ្លាំងឡើង ដោយមានសកម្មភាពដុតរថយន្ត និងបង្កើតរបាំងនៅតាមផ្លូវ៕

//youtu.be/_lIbUz30KpI