ព័ត៌មានអន្តរជាតិ

លោក ត្រាំ និងលោកស្រី ផេទ្បូស៊ី ផ្ទុះសង្គ្រាមពាក្យសម្ដីគ្នា ក្នុងកិច្ចប្រជុំនៅឯសេតវិមាន ស្ដីពីបញ្ហាស៊ីរី

អាមេរិក: កាលពីថ្ងៃពុធ ក្រុមមន្ត្រីបក្សប្រជាធិបតេយ្យ ជាន់ខ្ពស់អាមេរិក បានដើរចេញពីកិច្ចប្រជុំ នៅឯសេតវិមានទាំងកំហឹង ទាក់ទាងគោលនយោបាយ ដកកងទ័ពចេញពីប្រទេសស៊ីរី បន្ទាប់ពីប្រធានាធិបតី លោក ដូណាល់ ត្រាំ បានវាយប្រហារប្រធានសភាលោស្រី ណាន់​ស៊ី ផេ​ឡូ​ស៊ី ថា ជាអ្នកនយោបាយឱកាសនិយម ចាំតែគេញចំណេញផលប្រយោជន៍ដល់បក្សខ្លួន។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១៧ ខែតុលា ឆ្នាំ២០១៩។

ម្នាក់ក្នុងចំណោមក្រុមមន្រ្តីបក្សប្រជាធិបតេយ្យ ដែលចូលរួមក្នុងកិច្ចប្រជុំនោះ គឺ​លោក Chuck Schumer ដែលជាសមាជិកព្រឹទ្ធសភា បាននិយាយថា លោក ត្រាំ បានដាក់​រហស្សនាម​ឲ្យលោកស្រី ផេទ្បូស៊ី ថា ជា​ស្ត្រី​ម្នាក់ ​ដែលជា​សត្រូវ​របស់លោក ​នៅក្នុង​សភា ដែលតែងតែរិះគន់ និងប្រឆាំងរូបលោក ខណ:ដែលលោកស្រី ផេទ្បូស៊ី ឆ្លើយតបវិញថា ប្រធានាធិបតី កំពុងធ្វើឲ្យរដ្ឋរឹងមាំ ប្រែក្លាយជាទន់ខ្សោយ។

ដោយការផ្លាស់ប្តូរថ្មីៗនេះ ជាសញ្ញាចុងក្រោយមួយ នៃទំនាក់ទំនងកាន់ តែយ៉ាប់យ៉ឺនខ្លាំង គួរឱ្យកត់សម្គាល់ រវាងលោក ត្រាំ និងលោកស្រី ផេទ្បូស៊ី ចាប់តាំងពីលោកស្រី បានបើកការស៊ើបអង្កេត លើបទចោទប្រកាន់ ប្រឆាំងនឹងប្រធានាធិបតី កាលពីខែមុន៕

មតិយោបល់