អ៊ីតាលី: កងទ័ពជើងទឹករបស់ប្រទេសអ៊ីតាលីបានឱ្យដឹងនៅសប្តាហ៍នេះថា អាជ្ញាធរអ៊ីតាលីបានរកឃើញសាកសព ២១៧នាក់ពីនាវាចំណាកស្រុកមួយដែលបានលិចនៅឆ្នេរសមុទ្រលីប៊ី នៅក្នុងខែមេសា ឆ្នាំ២០១៥។ នេះបើយោងតាមការចេញផ្សាយដោយ BBC នៅយប់ថ្ងៃទី០៩ កក្កដា ឆ្នាំ២០១៦នេះ។

អាជ្ញាធរអ៊ីតាលីបាននិយាយថា មនុស្ស ២៨នាក់បានរួចរស់ជីវិតតែគ្រោះមហន្តរាយនេះដែលត្រូវបានសម្លាប់ច្រើនបំផុតនៃវិបត្តិចំណាកស្រុក។
លោកនាយករដ្ឋមន្រ្តីអ៊ីតាលី Matteo Renzi បាននិយាយថា មនុស្សចំនួន ៧០០នាក់នៅលើកប៉ាល់នោះ នៅពេលដែលវាបានលិច។
បំណែករបស់នាវានេះត្រូវបានគេទាញចេញពីទឹកដោយប្រើប្រាស់មនុស្សយន្តនៅសប្តាហ៍មុននិងបានសណ្តោងទៅកំពង់ផែនៅមូលដ្ឋានកងទ័ពជើងទឹក Melilli ក្នុងទីក្រុង Sicily ។

បើយោងតាមកងទ័ពជើងទឹកអ៊ីតាលី បានបន្តឲ្យដឹងថា ក្រុមអ្នកជំនាញចំនួន ១៥០នាក់មកពីកងទ័ពជើងទឹកដែលជានាយកដ្ឋានអគ្គិភ័យ និង កាកបាទក្រហមបានចូលរួមក្នុងប្រតិបត្ដិការនៅលើមូលដ្ឋានប្រចាំថ្ងៃ។ ជំនួយផ្នែកវេជ្ជសាស្រ្ត ព្រមទាំងការផ្តល់ប្រឹក្សាផ្លូវចិត្ត ត្រូវបានផ្តល់ទៅ ឱ្យកម្មករសង្គ្រោះបន្ទាន់ក្នុងករណីនេះ។

លោក Renzi បានចេញសេចក្តីថ្លែងការណ៍មួយនៅលើហ្វេសប៊ុកថា នាវានោះមានរឿងរ៉ាវជាច្រើនករណីដែលបានកើតមានឡើង ដូចជាបញ្ហា ប្រឈមផ្សេងៗរបស់មនុស្ស រួមទាំងចំនួនសាកសពដ៏ច្រើនផងដែរ។ លោកបានណែនាំដល់កងទ័ពជើងទឹកឲ្យស្រង់សាកសព ដូច្នេះពួកគេអាច ធ្វើការបញ្ចុះសពបានត្រឹមត្រូវ ជាជាងទុកសាកសពចោលនៅនៅបាតសមុទ្រនេះ។ ក្រុមមន្រ្តីបានរាយការណ៍មកថា មានសាកសពច្រើនជាង ៣០០នាក់ស្ថិតនៅក្នុងនាវានេះ៕