ប្រេស៊ីល: បើតាមប៉ូលិស បាននិយាយថា យ៉ាងហោចណាស់មនុស្ស ៤នាក់បានស្លាប់ និង ៤៣ នាក់ទៀត រងរបួស បន្ទាប់ពីរថយន្តក្រុងបានបុកចូលទៅក្នុងរថយន្តដឹកទំនិញ នៅភាគអាគ្នេយ៍រដ្ឋសៅប៉ូឡូ ប្រទេសប្រេស៊ីល។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃ២៧ ខែកញ្ញា ឆ្នាំ២០១៦។

គ្រោះថ្នាក់នេះ បានកើតទ្បើងកាលពីយប់ថ្ងៃអាទិត្យ ដោយរថយន្តក្រុងបានបុកចូលពីក្រោយរថយន្ត ដឹកជញ្ជូនអំពៅនៅក្រុង Mogi Guacu ក្នុងរដ្ឋសៅប៉ូឡូ។

ក្នុងហេតុការណ៍នេះ គេនៅពុំទាន់ដឹងមូលហេតុច្បាស់នៅទ្បើយទេ។

បើតាមប៉ូលិស បានបញ្ជាក់ថា យ៉ាងហោចណាស់មនុស្ស ១៣ នាក់ រងរបួសស្ថិតក្នុងស្ថានភាពធ្ងន់ធ្ងរ ហើយត្រូវបានគេបញ្ជូនទៅកាន់មន្ទីរពេទ្យនៅក្បែរនោះ៕