ថៃ: ប្រភពពីខាងព្រះបរមរាជវាំង កាលពីល្ងាចថ្ងៃច័ន្ទ បានប្រកាស នៅក្នុងរាជសារប្រកាស Royal Gazette ថា ព្រះមហាក្សត្រថៃ Maha Vajiralongkorn បានដកហូតគោរម្យងារ និងស័ក្តិយោធាពីអ្នកម្នាងរបស់ទ្រង់ពីបទគ្មានភក្តីភាព។ នេះយោងតាមសារព័ត៌មាន Channel News Asia ចេញផ្សាយនៅថ្ងៃទី២២ ខែតុលា ឆ្នាំ២០១៩។
វាជារឿងដ៏តក់ស្លុតបំផុតមួយ ចំពោះប្រទេសជាតិ ដែលការប្រកាសតែងតាំងតំណែង ជាសាធារណ:របស់អ្នកម្នាង Sineenat Wongvajirapakdi ព្រះជន្ម ៣៤ ព្រះវស្សា ទើបតែត្រូវបានប្រគល់ឋាន:ជាអ្នកម្នាង ក្នុងពិធីមួយមិនដល់៣ខែផង។
ទ្រង់បានជាប់ចោទពីបទគ្មានភក្តីភាព ដោយព្យាយាមប្រើឧបាយកល ដើម្បីបំផ្លាញតំណែងព្រះអគ្គមហេសី Suthida Tidjai ព្រះជន្ម ៤១ ព្រះវស្សា ដើម្បីតែផលប្រយោជន៍ផ្ទាល់ខ្លួនរបស់អ្នកម្នាង។
សូមជំរាបថា ទាំងព្រះអគ្គមហេសី និងអ្នកម្នាងរបស់ស្ដេចថៃ សុទ្ធសឹងតែធ្លាប់បានបម្រើការជាមន្ត្រីជាន់ខ្ពស់ ក្នុងអង្គភាពសន្តិសុខរាជវាំងដូចគ្នា៕
មតិយោបល់