អេស្ប៉ាញ: ប្រធានាធិបតីកាតាឡានលោក Carles Puigdemont និងមេដឹកនាំក្នុងតំបន់ដទៃទៀត បានចុះហត្ថលេខាផ្អាកដំណើរការ ប្រកាសឯករាជ្យនៅតំបន់ Catalonia បន្ទាប់ពីមានការបោះឆ្នោតធ្វើប្រជាមតិដ៏ចម្រូងចម្រាស។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១១ ខែតុលា ឆ្នាំ២០១៧។

ទោះយ៉ាងណាពាក់ព័ន្ធនឹងបញ្ហាផ្លាស់ប្តូរនេះ នឹងត្រូវបានអនុវត្តក្នុងរយ:ពេលខ្លីប៉ុណ្ណោះ ដើម្បីអនុញ្ញាតឲ្យពួកគេធ្វើកិច្ចចរចា ជាមួយរដ្ឋាភិបាលអេស្ប៉ាញ នៅទីក្រុងម៉ាឌ្រីត។

សូមជំរាបថា តាមរយ:ការធ្វើប្រជាមតិកាលពីថ្ងៃទី១ ខែតុលាកន្លងទៅ តំបន់ Catalonia ត្រូវបានទទួលស្គាល់ជារដ្ឋឯករាជ្យ និងមានអធិបតេយ្យភាព បើទោះសកម្មភាពនេះ ត្រូវបានរដ្ឋាភិបាលកណ្តាលអេស្ប៉ាញ ធ្វើការបដិសេធក៏ដោយ៕