ចិន: តាមរយ:ការធ្វើបច្ចុប្បន្នភាពព័ត៌មានចុងក្រោយនេះ បានឲ្យដឹងថា ចំនួនអ្នកស្លាប់ ដោយសារការផ្ទុះឡើងនៃវីរុសឆ្លងកូរ៉ូណា នៅចិន បានកើនឡើងដល់ ៥៦៣ នាក់ហើយ ដែលវាការស្រង់តួលេខអ្នកស្លាប់ប្រចាំថ្ងៃ ដោយរដ្ឋាភិបាលពីខាងមន្ទីរពេទ្យ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី៦ ខែកុម្ភ: ឆ្នាំ២០២០។

ករណីនេះដែរ បានធ្វើឲ្យបណ្ដាប្រទេសជាច្រើន ធ្វើការការជម្លៀសប្រជាជនខ្លួន ក៏ដូចជាព្រមានពួកគេ មិនឲ្យធ្វើដំណើរទៅកាន់ប្រទេសចិនទៀតផងដែរ។

គណ:កម្មការសុខភាពជាតិរបស់ចិន បាននិយាយនៅថ្ងៃព្រហស្បតិ៍នេះថា មានករណីមនុស្សស្លាប់ថ្មីចំនួន ៧៣ នាក់បន្ថែមទៀត ដោយសារវីរុសឆ្លងមួយនេះ ក្នុងរយ:ពេល ២៤ ម៉ោង។ ដោយភាគច្រើននៃអ្នកស្លាប់ទាំងនោះ គឺក្នុងហ៊ូប៉ីខេត្ត ស្ថិតនៅជុំវិញទីក្រុងវូហាន ប៉ុន្តែមានអ្នកស្លាប់ ៣ នាក់ទៀត មកពីកន្លែងផ្សេង គឺនៅទីក្រុង Tianjin និងភាគឦសានខេត្ត Heilongjiang ព្រមទាំងភាគនិរតីខេត្ត Guizhou។

សូមជំរាបថា៖ មកទល់ពេលនេះ អ្នកឆ្លងវីរុសកូរ៉ូណា នៅទូទាំងប្រទេសចិនសរុបមានចំនួន ៣,៦៩៤ នាក់ហើយ៕