ឥណ្ឌា: ជារៀងរាល់ឆ្នាំស្ត្រីជិត ៤៤.០០០នាក់ បានស្លាប់ អំទ្បុងពេលសម្រាលកូន នៅក្នុងប្រទេសឥណ្ឌា ដែលតួលេខនេះ បានធ្វើឲ្យរដ្ឋាលភិបាលឥណ្ឌា សម្តែងការភ្ញាក់ផ្អើលយ៉ាងខ្លាំង។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី៣ ខែសីហា ឆ្នាំ២០១៦។

រដ្ឋមន្ត្រីក្រសួងសុខាភិបាលឥណ្ឌា លោក J.P. Nadda បានប្រាប់ឲ្យដឹងថា «ទិន្នន័យចុងក្រោយបំផុត ទៅលើអត្រាមរណ:របស់មាតាចន្លោះពេលពីឆ្នាំ ២០១១ ដល់ ២០១៣ ក្នុងចំណោមស្រ្តី ១.០០០.០០០នាក់ គឺមាន ១៦៧ នាក់ហើយ បានស្លាប់ ក្នុងអំទ្បុងពេលផ្ដល់កំណើត។ តាមរយ:ទិន្នន័យនេះ គេបានប៉ាន់ ប្រមាណថា មានស្រ្តីចំនួនប្រមាណ ៤៤.០០០ នាក់ស្លាប់ ជារៀងរាល់ឆ្នាំ អំទ្បុងពេលឆ្លងទន្លេ »។

ទោះជាយ៉ាងណារដ្ឋាភិបាលឥណ្ឌា ក៏បានបង្ហាញពីការធ្លាក់ចុះនៃអត្រា ស្លាប់របស់ទារកពី ៤០ នាក់ ក្នុងចំណោម ១.០០០ នាក់ ក្នុងឆ្នាំ ២០១៣ និង ៣៩នាក់ សម្រាប់ឆ្នាំ ២០១៤ ផងដែរ៕