អ៊ីរ៉ង់: ប្រធានកងកម្លាំងឆ្មាំបដិវត្ត ដែលជាឥស្សរជនអ៊ីរ៉ង់ បាននិយាយនៅក្នុងកម្មវិធីផ្សាយផ្ទាល់ តាមទូរទស្សន៍រដ្ឋ កាលពីថ្ងៃព្រហស្បតិ៍ថា ប្រទេសអ៊ីរ៉ង់ បានត្រៀមខ្លួន ដើម្បីវាយប្រហារអាមេរិក និងអ៊ីស្រាអែល ប្រសិនបើពួកគេ ធ្វើឲ្យមានហេតុផលណាមួយ សមស្របដល់អ៊ីរ៉ង់ ដើម្បីធ្វើដូច្នេះ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១៤ ខែកុម្ភ: ឆ្នាំ២០២០។

ឧត្តមសេនីយ៍ Hossein Salami បានថ្លែងក្នុងសុន្ទរកថា នៅឯពិធីប្រារព្ធមួយ ដែលបានធ្វើឡើង សម្រាប់រយ:ពេលចំនួន ៤០ថ្ងៃ ចាប់តាំងពីការស្លាប់របស់មេបញ្ជាការកំពូលអ៊ីរ៉ង់លោក Qassem Soleimani ថា « ប្រសិនបើប្រទេសទាំងពីរ ធ្វើឲ្យមានកំហុសទៀតនោះ យើងនឹងវាយពួកគេ»។

សូមជំរាបថា លោក Soleimani គឺជាប្រធានសាខាកងកម្លាំងឃឺដ របស់ក្រុមអ្នកទទួលខុសត្រូវមួយ សម្រាប់ប្រតិបត្តិការនៅខាងក្រៅប្រទេសអ៊ីរ៉ង់ ត្រូវបានសម្លាប់ ដោយយន្តហោះគ្មានមនុស្សបើក របស់អាមេរិក នៅទីក្រុងបាកដាត កាលពីថ្ងៃទី ៣ ខែមករា កន្លងទៅ រួមជាមួយមេបញ្ជាការកងជីវពលអ៊ីរ៉ាក់ម្នាក់ទៀត គឺលោក Abu Mahdi al-Muhandis ៕