Post News Media ព័ត៌មានអន្តរជាតិ ព្យុះទីហ្វុងប...

ព្យុះទីហ្វុងបណ្តាលឲ្យមានការខាតបង់ប្រាក់ ៣០០លានដុល្លារអាមេរិក នៅវៀតណាម

វៀតណាម: បើតាមក្រសួងអភិវឌ្ឍន៍វិស័យកសិកម្ម និងជនបទរបស់វៀតណាម (MARD) នៅថ្ងៃអង្គារនេះ បានឲ្យដឹងថា ព្យុះទីហ្វុងដំបូងពីរ ដែលបានវាយប្រហារប្រទេសវៀតណាម ក្នុងឆ្នាំ ២០១៦នេះ បានបណ្តាលឲ្យមានការខាតបង់ជាទឹកប្រាក់ប្រមាណ ៣០០ លានដុល្លារអាមេរិក។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី៩ ខែសីហា ឆ្នាំ២០១៦។

ព្យុះទីហ្វុង ឈ្មោះ Mirinae និង Nida បានវាយប្រហារប្រទេសនេះ នៅចុងខែកក្កដា និងដើមខែសីហា បណ្ដាលឲ្យមនុស្ស ២០ នាក់ស្លាប់ និងបាត់ខ្លួន ខណ:ដែល ៨២នាក់ផ្សេងទៀតរងរបួស នេះបើតាមទីភ្នាក់ ងាររដ្ឋរបស់វៀតណាម VNA បានចេញផ្សាយ។

ព្យុះទីហ្វុង Mirinae បង្កឲ្យផ្ទៃដីកសិកម្ម ២៥៦.០០០ ហិចតា ត្រូវទឹកជន់លិច និងរងផលប៉ះពាល់ នៅក្នុងតំបន់ជាច្រើន។

បង្គោលភ្លើងជាង ៣១.០០០ ត្រូវដួលរលំនៅទូទាំងតំបន់ បណ្ដាលគ្មានភ្លើងប្រើ។ ក្នុងនោះដែរ វិស័យអគ្គិសនី ត្រូវបានគេប៉ាន់ប្រមាណការខាតបង់ ជាទឹកប្រាក់ប្រហែល ១៧ លានដុល្លារសហរដ្ឋអាមេរិក៕

veitnam