កាណាដាៈ ជនសង្ស័យថាជាអ្នកសណ្តោសប្រណីក្រុម ISIS ម្នាក់ ត្រូវបានកងកម្លាំងប៉ូលិសជាតិកាណាដា បាញ់សម្លាប់នៅក្នុងក្រុង Strathroy ភាគខាងជើង រដ្ឋ Ontario កាលពីយប់ថ្ងៃពុធ ប៉ុន្មានម៉ោងក្រោយពេលកងកម្លាំងប៉ូលលិសជាតិកាណាដា ប្រមានដល់ក្នុងការគំរាមកំហែងភេរវករដ៏មានសក្តានុពលមួយ។នេះបើយោងតាមសារព័ត៌មានស៊ីនហួចុះផ្សាយនៅថ្ងៃទី ១២ ខែសីហា ឆ្នាំ ២០១៦។

អ្នកសណ្តោសប្រណីក្រុម ISIS ម្នាក់នោះមានឈ្មោះ Aaron Driver អាយូ ២៤ ឆ្នាំ ត្រូវបានប៉ូលិសសម្លាប់នៅក្នុងផ្ទះមួយ នៅក្នុងទីក្រុង Strathroy ចម្ងាយប្រហែល ២២០គីឡូម៉ែត្រពីក្រុង តូរិនតូ ។ Driver ត្រូវបានប៉ូលិស និងអ្នកស៊ើបការណ៍កាណាដាស្គាល់យ៉ាងច្បាស់ថា ជាអ្នកឧបត្ថម គាំទ្រក្រុម ISIS ។ ប៉ូលិសបានបាញ់សម្លាប់ក្រោយពេលគាត់បានបំផ្ទុះឧបករណ៍ផ្ទុះមួយបង្កឲ្យរងរបួសដល់ខ្លួនឯង និង អ្នកផ្សេងម្នាក់ទៀត ៕