ចិន៖ ក្រុមហ៊ុនអេឡិចត្រូនិកចិន Meizu បានប្រកាសឲ្យដឹងថា ត្រឹមរយៈពេល ២៤ម៉ោង មាន​អតិថិជន​ចុះឈ្មោះ​ទិញ​ទូរស័ព្ទ Meizu ម៉ូដែល m3e រហូតដល់ជាង ៣លាននាក់ ដែលនេះជា​ការចុះឈ្មោះទិញមិនធ្លាប់មាន​នៅក្នុងប្រទេស​សាស្ត្ររបស់ក្រុមហ៊ុនចិនមួយនេះ។

«អតិថិជននៅក្នុងប្រទេសចិន ចំនួនជាង ៣លាននាក់ បានចុះឈ្មោះទិញ m3e ខណៈដែល​នៅសល់តែ​មួយថ្ងៃទៀត ពេល​វេលានៃការបញ្ជាទិញនឹងត្រូវដល់កំណត់»។ នេះជាសំដីរបស់តំណាង​ក្រុមហ៊ុន Meizu បានថ្លែងប្រាប់អ្នកសារព័ត៌មាន។

ទូរស័ព្ទ Meizu ម៉ូដែល m3e ត្រូវបានលក់ក្នុងតម្លៃ ១៩៦ដុល្លារអាមេរិក មានអេក្រង់ ៥.៥អ៊ីង ជាប្រភេទ Touchscreen (1080p) និងមានកាមេរ៉ាក្រោយ ១៣មេហ្គាភិចសែល រួមជាមួយភ្លើង LED Flash ព្រមជាមួយគ្នានោះ ក៏មានបំពាក់កាមេរ៉ាមុខ​ទំហំ ៥មេហ្គាភិចសែលផងដែរ។ m3e មានអង្គប្រតិបត្តិ MediaTek Helio P10 SoC (1.8 GHz octa-core Cortex-A53 CPU) និងមាន RAM ទំហំ 3GB ព្រមជាមួយ Memory ទំហំរហូតដល់ទៅ 32GB និងប្រើប្រាស់ប្រព័ន្ធដំណើរការ Android 5.1 Lollipop៕