តួកគី: របាយការណ៍ភ្នាក់ងារព័ត៌មាន Milliyet បានឲ្យដឹងថា ទាហានតួកគី ១១នាក់ ត្រូវបានសម្លាប់ នៅក្នុងការប៉ះទង្គិចគ្នាជាពួកសកម្មប្រយុទ្ធឃើដ (PKK) នៅភាគខាងកើតខេត្តវ៉ាន់ និងភាគអាគ្នេយ៍ខេត្ត Mardin កាលពីថ្ងៃសុក្រ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី៣ ខែកញ្ញា ឆ្នាំ២០១៦។
ទាហានបីនាក់ ត្រូវបានសម្លាប់នៅពេល ដែលយោធានៅក្នុងស្រុក Dargecit នៃទីក្រុង Mardin ត្រូវបានវាយប្រហារដោយពួកសកម្មប្រយុទ្ធ PKK កាលពីថ្ងៃសុក្រ និងអ្នកយាមភូមិបីនាក់ និងជនស៊ីវិលម្នាក់ ទៀតបានរងរបួស។
ក្នុងនោះទាហានតួកគី៨នាក់ ត្រូវបានសម្លាប់ បន្ទាប់ពីការប៉ះទង្គិចគ្នា ដែលនៅតែបន្តរវាងកងកម្លាំង សន្តិសុខ និងពួកសកម្មប្រយុទ្ធ PKK នៅភ្នំក្នុងខេត្តវ៉ាន់ភាគខាងកើតផងដែរ៕
មតិយោបល់