ម៉ាទ្បេស៊ីៈ ភ្លៀងធ្លាក់រប៉េះរប៉ោះនៅក្នុងឧបទ្វីបប្រទេសម៉ាឡេស៊ី ប្រហែលជាមិនអាចផ្ដល់នូវតំរូវការគ្រប់គ្រាន់ សម្រាប់ប្រជាពលជន ពីអាកាសក្ដៅខ្លាំងនោះទេ ប៉ុន្តែវាក៏អាចជួយកាត់បន្ថយវិបត្តិទឹកបានខ្លះក្នុងប្រទេសនេះផងដែរ។ នេះបើយោងតាមរយៈ សារព័ត៌មានសិង្ហបុរី ចេញផ្សាយនៅថ្ងៃទី២ ខែឧសភា ឆ្នាំ២០១៦។

នៅក្នុងវិបត្តិនេះ ទំនប់ និងអាងស្តុកទឹកចំនួន ៤១ កន្លែងក្នុងប្រទេស កំពុងមានការវិវឌ្ឍន៍ទៅរកភាពរាំងស្ងួតយ៉ាងឆាប់រហ័ស ជាពិសេសនៅភាគខាងជើងរដ្ឋ Perak, Penang, Kedah និងរដ្ឋ Perlis។

គួរបញ្ជាក់ផងដែរ ចំពោះការប្រែប្រួលអាកាសធាតុ និងការជួបគ្រោះរាំងស្ងួតនេះ អ្នកបរិស្ថានមួយចំនួនបានអះអាងថា ដោយសារការកាប់បំផ្លាញព្រៃឈើច្រើនហួសប្រមាណ និងការគ្រប់គ្រងមិនត្រឹមត្រូវលើទំនប់វារីអគ្គិសនីដែលបណ្ដាលឲ្យតំបន់ជាច្រើនកំពុងខ្វះខាតទឹកយ៉ាងធ្ងន់ធ្ងរ ជាពិសេសនៅតំបន់ភាគអាគ្នេយ៍ក្នុងប្រទេសនេះ៕