កាលពីយប់ថ្ងៃទី២៣ វិច្ឆិកា វីដេអូបញ្ចេញក្បាច់រាំរបស់តារាសម្ដែង នាង ដេនីក្វាន់ បានធ្វើឲ្យកក្រើកហ្វេសប៊ុកតែម្ដង ដោយសារតែនាងលេងឈុតអាវក្នុង តាមលំនាំឥណ្ឌា ហើយរាំយ៉ាងរពើន បញ្ចេញភាពស៊ិចស៊ី ។ នេះជាការបញ្ចេញក្បាច់រាំយ៉ាងកម្រ ដែលនាងបានផុសនៅលើគណនីហ្វេសប៊ុកផ្ទាល់ខ្លួន ខណៈស្ទីលតុបតែងកាយរបស់នាង ក៍ស្រស់ស្អាតជារបៀបស៊ិចស៊ី បញ្ចេញសាច់ដើមទ្រូងយ៉ាងញាក់សាច់តែម្ដង។

ដេនីក្វាន់ បានអះអាងថា នាងចូលចិត្តជាការហាត់ប្រាណ ទើបនាងបង្ហោះឃ្លីបវីដេអូរបស់ខ្លួនជាសាធារណៈ។ នាងចាត់ទុកថា នោះជាក្បាច់រាំដើម្បីសុខភាព ដើម្បីសម្រស់ដងខ្លួន និងជាការចែករំលែកក្បាច់រាំទៅកាន់បងប្អូន ទើបនាងយល់ថាវីដេអូរាំរបស់ខ្លួន មិនខុសពីការបង្រៀននារីៗ ដែលចង់បានរាងស្រឡូន។ នាងបានទាំងចាត់ទុកថា ស្ទីលស្លៀកពាក់របស់ខ្លួន មិនមែនជាការផ្គើនក្រសួងពីស៊ិចស៊ីហួសហេតុនោះផង ដោយសារចង្វាក់ដែលនាងជ្រើសមករាំ គឺអ្នករបាំអាជីព ក៍តុបតែងកាយបែបនឹងដូចគ្នា។ នាងថាក្បាច់រាំរបស់ខ្លួនលុះត្រាតែស្លៀកឈុតស៊ិចស៊ីរបៀបហ្នឹង ទើបត្រូវចង្វាក់ភ្លេង ទើបនាងយល់ថាខ្លួនស្លៀកត្រូវនឹងបរិបទចង្វាក់ភ្លេង ដោយមិនមែនជារឿងស៊ិចស៊ីនោះឡើយ។

នៅលើគណនីផ្ទាល់ខ្លួនរបស់ដេនីក្វាន់ ត្រូវគេឃើញមានការបញ្ចេញយោបល់ពីស្ទីលរាំ និងឈុតដែលនាង តែងតាមលំនាំឥណ្ឌាក្នុងវីដេអូឃ្លីបយ៉ាងខ្លាំងក្លា ដោយមានទាំងមតិល្អ និងអវិជ្ជមាន។ ក្នុងនោះវីដេអូរបស់នាង ត្រូវគេឃើញចែកចាយយ៉ាងផុលផុសឡើង ផ្អើលហ្វេសប៊ុក តែក្នុងរយៈពេលខ្លី ក្រោយការបង្ហោះនោះផង។
តោះទស្សនាស្ទីលរាំរបស់នាងទាំងអស់គ្នា តើញ៉ាក់សាច់ប៉ុនណា?

https://www.youtube.com/watch?v=wBGVmhKuNpk