ធៀបនឹងការដាក់សម្ពោធរឿងផ្សេងៗដូចជារឿង«បណ្ដឹងស្រីទាំង៥» និងរឿង«កំណត់ហេតុនាងនាថ» ជាដើម ពិធីសម្ពោធរឿង«វិកលចរឹត»កាលពីយប់ថ្ងៃទី២៨ វិច្ឆិកា ក៏ទាក់ទាញតារាល្បីៗឲ្យចូលរួមកុះករណាស់ដែរ។ តារាទាំងនោះក្រៅពីបានបង្ហាញខ្លួនយ៉ាងកកកុញ ក្នុងពិធីសម្ពោធ ក៏បានអង្គុយទស្សនាភាពយន្តដែលជាស្នាដៃរបស់លោក ហ៊ុយ យ៉ាងឡេង ដែលធ្លាប់ល្បីឈ្មោះក្នុងការផលិតរឿង«ខ្មោចដើមចេកជ្វារ»ដោយធ្លាប់ទទួលបានការកោតសរសើរ។

តារាល្បីៗដែលបានបង្ហាញខ្លួននៅក្នុងពិធីនោះរួមមាន កញ្ញាទឹម រដ្ឋា លោកប៉ែន ចំរុង អ្នកនាងទូច ស្រីលក្ខណ៍ កញ្ញាថន លក្ខិណា លោកភឹម តារាវិបុល លោកនេនទុំ កញ្ញាព្រីម លីហ្សា កញ្ញាញឹម ចាន់ថន លោកហង្ស អច្ឆរិយ៉ា លោកឡាទីន លោកជា វណ្ណារិទ្ធិ កញ្ញាឆុំ វត្តី កញ្ញាមាស សុវណ្ណរតនា និងតារាសិល្បៈយ៉ាងស្កេកស្កះផ្សេងទៀត។

ក្នុងនោះចំពោះផលិតករក៏មានវត្តមានច្រើននាក់ និងមកផលិតកម្មច្រើនណាស់ដែរ មកគាំទ្រស្នាដៃក្នុងរឿង«វិកលចរឹត»នាយប់នោះ។ អ៊ីចឹងហើយទើបក្នុងពិធីបើកសម្ពោធរឿងនេះ ត្រូវគេឃើញមានសភាពកកយ៉ាងណែនតាន់តាប់នៅបរិវេណរោងភាពយន្ត Major នៅផ្សារទំនើបអ៊ីអនម៉ល។ តារាភាគច្រើនដែលបានចូលទស្សនាភាពយន្ត«វិកលចរឹត»បានកោតសរសើរថានេះជារឿងភ័យរន្ធត់ក៏កម្រមួយ ដែលខាងផលិតករបានប្រើបច្ចេកទេសយកសាច់រឿងពិតរបស់មនុស្សវិកលចរឹត ហើយធ្វើឲ្យទស្សនជនប្លែកអារម្មណ៍ជាមួយនឹងសាច់រឿងថ្មី។

អ្នកនាងទូច ស្រីលក្ខណ៍ បានទាំងទទូចឲ្យគាំទ្រភាពយន្តមួយនេះ និងថានេះជារឿងល្អមើល ដែលមិនគួរអ្នកពេញនិយមភាពយន្តខ្មែរមើលរំលងនោះផង។ ភាពយន្តនេះនឹងដំណើរដាក់បញ្ចាំងចាប់ពីថ្ងៃទី២ ធ្នូខាងមុខ ប៉ុន្តែមានការប្រកាសថាមានការកក់សំបុត្រសម្រាប់ម៉ោងពេលមួយចំនួនចង់ពេញមួយចំនួនទៅហើយ។
ខាងក្រោមនេះជាទិដ្ឋភាពតារាសិល្បៈ និងភ្ញៀវកិត្តិយសចូលរួមក្នុងពិធីសម្ពោធរឿង«វិកលាចរឹត»កាលពីយប់មិញ៖