ពាក្យថា «អាណិត ស្រឡាញ់ និង​ចង់ជួយ» ត្រូវបាន​តារាចម្រៀង សាន ផានិត លើកឡើង ក្រោយក្មេង​ខ្មែរ​មួយរូប ដែលត្រូវបាន​បុរស​ខ្ទើយវៀតណាម​ធ្វើបាបយកតំបង​ឆក់​ផ្អើល​ពេញផ្ទៃប្រទេស ហើយតារាចម្រៀងខាងលើ កំពុងប្រកូកប្រកាស ស្វែងរកថវិកា ដើម្បីជួយដល់ក្មេង​ជា​ជនរងគ្រោះផងដែរ​។​

មូលនិធិ «សាន ផានិត ដើម្បីសហគមន៍ក្រីក្រ » បានប្រាប់ដល់ Post News នៅរសៀលថ្ងៃទី​៨ ខែវិច្ឆិកា ឲ្យដឹងថា លោក​កំពុងប្រកូកប្រកាសស្វែងរកថវិកា ជូនដល់កុមារា ជាជន​រងគ្រោះ ក្រោយពីជន​អគតិ និង​ត្រូវ​ជា​ជនល្មើសឈ្មោះ ង្វៀន ថាញ់យ៉ុង អាយុ ៣៤ឆ្នាំ ដែលបានយកប្រដាប់ឆក់រាងកាយនិងប្រដាប់ភេទកុមារកម្ពុជានៅមណ្ឌលគីរីកន្លង ។​

តារាចម្រៀង​ និងម្ចាស់មូលនិធិខាងលើ បានបន្តថា​ មូលហេតុ​ដែលលោកត្រូវជួយដល់កុមារាខាងលើ គឺដោយសារតែ​ អាណិត​ អនោច​អធម អាណិត​ស្រឡាញ់ ចង់ជួយ ទើបលោកប្រកាសជួយតែម្តង ទៅ ។ លោកបានបន្ថែមទៀតថា កន្លងមក លោកបាន​ជួយដល់ក្មេងដែលដុះពកត្រង់ពង់រួចរាល់ហើយ នៅមណ្ឌលគិរី និង តារាចម្រៀង សំ ប៉ូលីដា និង​សង្ឈឹមថា អាចជួយដល់ក្មេង​ជា​ជនរងគ្រោះមួយនេះ​ផងដែរ ហើយ សង្ឈឹមថា សប្បុរសជន អាចនឹង​ជួយដល់ក្មេង​រូបនេះដូចគ្នា ដោយ​អាច​ទំនាក់ទំនងតាមលេខ ទូរស័ព្ទ 096 5003456​ ៕