នៅព្រឹកថ្ងៃទី​៩ ធ្នូ ផលិតករ និងតារាចម្រៀងសាន់ដេយ៉ាងច្រើនកុះករ ត្រូវបានអង្គភាពប្រឆាំងអំពើពុករលួយ ACU ប្រគល់មេដៃ គ្រឿងឥស្សរិយយស និង ប័ណ្ណសរសើរ បន្ទាប់ពីតារាទាំងនេះ ធ្វើសកម្មភាពស្ម័គ្រចិត្តជួយផ្សព្វផ្សាយពីយុទ្ធនាការប្រឆាំងអំពើពុករលួយ ជូនដល់បងប្អូនប្រជាពលរដ្ឋនាពេលកន្លងមក។

មន្ត្រីACU បានអះអាងថា ការផ្សព្វផ្សាយពីសំណាក់សិល្បករ-សិល្បការិនី គឺជាសារដ៍សំខាន់ក្នុងការ ពញ្ញាក់អារម្មណ៍ ដល់បងប្អូនខ្មែរ មន្ត្រីរាជការគ្រប់ជាន់ថ្នាក់ ឲ្យបញ្ឈប់ ឬឲ្យភ្ញាក់ខ្លួនឯងចូលរួមកាត់បន្ថយ និងលុបបំបាត់ទាំងអស់គ្នានូវអំពើពុករលួយ។

ម្ចាស់ផលិតកម្មសាន់ដេ និងតារាចម្រៀសរុប៦រូបត្រូវបានទទួលកិត្តិយសក្នុងព្រឹត្តិការណ៍នោះ ដោយម្នាក់ៗទទួលបាននូវ គ្រឿងឥស្សរិយយស ពីអង្គភាពប្រឆាំងអំពើពុករលួយដោយឡែកពីគ្នា។ ម្ចាស់ផលិតកម្ម និង តារាចម្រៀងសាន់ដេទាំង៦រូបនោះ រួមមាន កញ្ញា ឃីន ស្រីនាថ ហៅអ៊ីវ៉ា ជាតារាចម្រៀង ទទួលបានមេដាយ មុនីសារាភ័ណ្ឌ ថ្នាក់ធិបឌិន្ទ។ តារាចម្រៀងនាងសុខ ពិសី លោក ខេមរៈ សិរីមន្ដ លោកឆាយ វិរ: យុទ្ធ លោកខាន់ជេមស៍ និងម្ចាស់ផលិតកម្ម ទទួលបានមេដាយមុនីសារាភ័ណ្ឌថ្នាក់ អស្សឫទ្ធិម្នាក់មួយៗ ៕