ការរុករមួយដ៏អស្ចារ្យ​ ត្រូវបានបង្ហាញកាលពីថ្ងៃព្រហស្បតិ៍ម្សិលមិញ ដែលបោះពុម្ពផ្សាយ​នៃការសិក្សាស្រាវជ្រាវនេះ ដោយ Current Biology (ជីវសាស្ត្របច្ចុប្បន្ន) ជុំវិញការ រកឃើញ​កន្ទុយសត្វដាយណូស័រ​ ដែលមានអាយុកាល ៩៩ លានឆ្នាំ ។​នេះបើយោងតាមផេក CCTVNews ចុះផ្សាយនៅថ្ងៃទី​៩ ធ្នូ ឆ្នាំ​២០១៦​។​

លោក Xing Lida ដែលជា​អ្នកសិក្សា​ប្រវត្តិ​ជីវិត​លើភពផែនដី មក​ពីសាកលវិទ្យាល័យ Geosciences ក្នុងប្រទេសចិន បានទិញ​បំបែកហ្វូស៊ីល ខាងលើ ពីផ្សារមួយ នៅក្នុងប្រទេសមីយ៉ាន់ម៉ា កាលពីឆ្នាំមុន ហើយក៏បានដឹកនាំការសិក្សាស្រាវជ្រាវ លើបំបែក​ហ្វូស៊ីលនេះ ជាមួយលោក Ryan C. McKellar មកពី សារ:មន្ទីរ Royal Saskatchewan Museum ក្នុងប្រទេសកាណាដា​។​
ប្រភេទ​ហ្វូស៊ីលនៃផ្នែកកន្ទុយពណ៌លឿងខ្ចី ត្រូវបានគេរកដំបូង នៅ​ក្នុងវាល​ជីក​រករ៉ែ មួយកន្លែង​ក្នុងប្រទេស​មីយ៉ាន់ម៉ា៕​