ភ្នំពេញ: កាលល្ងាចថ្ងៃទី៥ ឧសភា បវរកញ្ញាពិភពលោក Miss Global ប្រចាំឆ្នាំ២០១៥ ចំនួន៣រូបបានចុះមកដល់កម្ពុជា ដោយមានតារាៗជាសិល្បករកម្ពុជាយ៉ាងច្រើនកុះករទទួលស្វាគមន៍នៅវេលាម៉ោងប្រមាណជា៥ និង៤០នាទីល្ងាច។ Miss Global ទាំង៣នោះរួមមាន Miss អូស្រ្តាលី ចំណាត់ថ្នាក់លេខ១ Miss សហរដ្ឋអាមេរិកដែលមានដើមកំណើតជាខ្មែរចំណាត់ថ្នាក់លេខ២ និង Miss ប៊ុលការី ចំណាត់ថ្នាក់លេខ៣។ ដោយឡែកMiss មួយរូបទៀត គឺ អៀរឡង់ នឹងមកតាមក្រោមនៅមុនថ្ងៃទី៨ ឧសភា ដែលជាថ្ងៃសម្ដែងConcert សប្បុរសធម៌។

លោកសុះ ម៉ាច ជាអ្នកដឹកនាំតារាសិល្បៈទៅទទួលដល់ព្រលានយន្តហោះ បានអះអាងថានេះ ជាមោទនភាពដែលតារាលំដាប់ពិភពលោកចុះមកជួយកម្ពុជាក្នុងគម្រោងសម្ដែងលក់សំបុត្រជួយមន្ទីរពេទ្យគន្ធបុប្ផា និងមន្ទីរពេទ្យកុមារជាតិ រួមជាមួយនឹងសិល្បករខ្មែរ។ នៅក្នុងកម្មវិធីយប់ថ្ងៃ៨ ឧសភា នោះលោកថា មានការប្រគំតន្ត្រី និងសម្ដែងសិល្បៈចូលរួមដោយតារាខ្មែរយ៉ាងច្រើនកុះក្រៅពីការបង្ហាញខ្លួន របស់Miss Global ទាំង៤រូប។ លោកថាតម្លៃសំបុត្រគឺ១០ដុល្លារសម្រាប់ខ្មែរ និង១៥ដុល្លារសម្រាប់បរទេស ដោយលោកទទូចឲ្យចូលដើម្បីមន្ទីរពេទ្យទាំង២។

ខាងក្រោមនេះជាទិដ្ឋភាពមកដល់របស់Miss Global កាលពីល្ងាចថ្ងៃទី៥ ឧសភា