កំពូលតារាចម្រៀង ព្រាប សុវត្ថិ កាលពីរាត្រីថ្ងៃទី១៤ ខែមករា ឆ្នាំ២០១៧ បានធ្វើឲ្យកក្រើកហាងអ៊ីតាលី មួយកន្លែងស្ថិតនៅម្តុំ អង្គភាពប្រឆាំងអំពើពុករលួយ ក្រោយលោកយកបទចម្រៀង ៣បទមកច្រៀង ក្នុងពិធីសម្ពោធហាងមួយនោះ ។
នៅពាក់កណ្តាលរាត្រីថ្ងៃខែឆ្នាំខាងលើ លោក ព្រាប សុវត្ថិ បានធ្វើឲ្យភ្ញៀវចូលទៅលេងក្នុងហាងអ៊ីតាលី Raqia Republic ពុះកញ្ជ្រោលតែម្តង ដោយម្នាក់បានសម្រុកគ្នា សូមកំពូលតារាចម្រៀងរបស់ហង្សមាស ថតសែលហ្វី ដើម្បីបង្ហោះទៅលើហ្វេសប៊ុក ទុកគ្រាន់អួតមិត្តភក្តិ ។
វត្តមានដ៏អស្ចារ្យក្រោមស្បៃរាត្រី លោក ព្រាប សុវត្ថិ បានលើកយកបទចម្រៀងចំនួន ៣បទ ក្នុងនោះមាន បទថ្នម …! បទទី២ គឺបទ «ខ្លុយស្នេហ៍ត្នោតទេរ» ដែលហាក់ដូចជាចង់រំឭកពីស្នាដៃនិពន្ធរបស់កវីជុំ ប៊ុនធឿន ដែលបានស្លាប់ចាកឋានទៅហើយនោះ យកមកកំដរអារម្មណ៍ប្រិយមិត្តក្នុង ភោជនីយដ្ឋាន ដែលមានអាហារពេលព្រឹក និងក្លឹបពេលរាត្រី ខាងលើ។ចំណែកបទទី៣ ដែលលោក ព្រាប សុវត្ថិ លើកយកមកច្រៀង គឺបទ «អក្ខរា» ដែលជាបទជំនាន់ដើម ។
ក្នុងនោះដែរ លោក ព្រាប សុវត្ថិ បានថ្លែងទៅកាន់ភ្ញៀវក្នុងហាងខាងលើថា គ្រាន់តែលោកចូលភ្លាមមានអារម្មណ៍ ថាកក់ក្តៅ ហើយលោកក៏បាននិយាយបែបលេងសើចទៀតថា អារម្មណ៍មានតែម្នាក់ឯងមិនស្រូលទេ ទាល់តែមានអារម្មណ៍ទាំងពីរនាក់ ហើយពេលនេះ លោកក៏មានអារម្មណ៍ច្រើន ។ សម្តីទាំងនេះដែរ បានធ្វើឲ្យភ្ញៀវចូលទៅកម្សាន្តនៅទីនោះ សើចគិល ទំនងជានឹកឃើញរឿងអ្វីម្យ៉ាងហើយ ៕
ទស្សនាវិដេអូ៖
//www.youtube.com/watch?v=5ClRehP3N1M
//www.youtube.com/watch?v=3KC7UcNy9QE
//www.youtube.com/watch?v=0M7Md_tp-xs
មតិយោបល់