ព័ត៌មានសិល្បៈ និងកម្សាន្ត

តារាល្បីៗធ្វើពហិការ មិនចូលរួមក្នុងកម្មវិធីប្រគល់ពាន Grammy Awards

យោងតាមសេចក្តីរាយការណ៍ បានបង្ហាញ​ឲ្យដឹងថា តារា​ល្បីៗ ជាច្រើនដួង នឹងមិនចូលរួមក្នុងព្រឹត្តិការណ៍ Grammy Awards ដែលប្រារពឡើង​នៅក្នុងឆ្នាំនេះ​នោះទេ។​
Grammy Awards គឺជា​កម្មវិធីមួយ ដែលមានតម្លៃសម្រាប់តារាៗគ្រប់រូប ប៉ុន្តែបើយោងតាម​ ប្រភពព័ត៌មាន TMZ បានចុះផ្សាយ​ឲ្យដឹងថា Justin Bieber, Drake និង Kanye West ជាដើម បានធ្វើពហិកា ដោយមិនចូលរួមក្នុងកម្មវិធី ខាងលើ​នោះទេ ដែល​ធ្វើឡើងនៅថ្ងៃទី​១២ ខែកុម្ភ: ឆ្នាំ​២០១៧ ។​

បើទោះបីជាធ្លាប់បានឈរឈ្មោះ ៤ដង ក្នុងកម្មវីធី Grammy Awards តែ​តារាចម្រៀង Justin Bieber គ្រោងនឹងមិនចូលរួម ក្នុងពិធីប្រគល់ពានរង្វាន់ ។ ព្រោះតែតារារូបនេះ គិតថា ពានរង្វាន់ នេះ​លែងសំខាន់ និងមិនមែន​ជាអត្ថន័យនៃភាពវ័យឆ្លាត តារាស្រករក្រោយនោះទេ​។​

តារាចម្រៀងរ៉េប Drake ក៏ធ្លាប់ឈ​រ​ឈ្មោះ ៨ដង​ ក្នុងកម្មវិធីខាងលើ ប៉ុន្តែ​តារាចម្រៀង អាយុ ៣០ឆ្នាំ​ ដោយ​ដាក់​ពហិការ មិនចូលរួម ដោយជំនួសមកវិញ ទៅសម្តែង​នៅតំបន់អឺរ៉ុប។​

Kanye West ក៏ដូចគ្នាដែរ ដោយគាត់គិតថា មិនដែលបានឈ្នះពានទូទៅ សម្រាប់​សិល្ប:ករ សិល្ប:ការីនីនោះទេ ។​

Frank Ocean កាលពីឆ្នាំទៅ ទទួលបានពានរង្វាន់ ជា​តារាចម្រៀងដែលមាន​ អាលប៊ុមល្អ ជាងគេ តែ គាត់នឹងមិនចូលរួម​កម្មវិធីខាងលើឡើយ ដោយគិតថា កម្មវិធីនេះ ហួសសម័យហើយ មិនបានឆ្លុះបញ្ចាំង ពី​ទេពកោសល្យ សិល្បករវ័យក្មេងនោះទេ៕​

មតិយោបល់