Post News Media ព័ត៌មានសិល្បៈ និងកម្សាន្ត ឈិត​ សុវណ្ណបញ...

ឈិត​ សុវណ្ណបញ្ញា ថា​ចង់ទៅជ្រកនៅផលិតកម្មថោន​

ស្របពេលដែល​ផលិតកម្មថោន បានប្រកាស​ជាផ្លូវការដោយបើកស្ថានីយ៍ទូរទស្សន៍ របស់ខ្លួននោះ ស្រាប់តែអ្នកដឹកនាំសម្តែង លោក អ៊ីន ទីតូ បាន​ចាកចេញពីហង្សមាស ទៅថោន ទន្ទឹមជាមួយនឹងគ្នានេះដែរ តារាចម្រៀង ឈិត សុវណ្ណបញ្ញា ក៏បានប្រកាស​ទាំង​អួលដើមក ចាកចេញដូចគ្នា ។​

វាមិនមែន​មានតែ ឈិត សុវណ្ណបញ្ញា នោះទេ ដោយ​កាលពីពាក់កណ្តាលខែ មករា ឆ្នាំ​២០១៧ កន្លងទៅថ្មីៗនេះ តារាចម្រៀង យក់ ថិត​រដ្ឋា ក៏បានបង្ហើរនូវសំណេរយ៉ាងខ្លីមួយលើហ្វេសប៊ុក​ ដែលមានន័យថា ចាកចេញពីហង្សមាសដូចគ្នា ប៉ុន្តែព័ត៌មានមួយនេះ ត្រូវបានបញ្ចប់ទៅវិញ​។​

ទាក់ទិននឹងព័ត៌មាន​ ឈិត សុវណ្ណបញ្ញា ដើរចេញពីហង្សមាស នេះ ត្រូវបានប្រភពច្បាស់ការ​មួយ បានប្រាប់ឲ្យដឹងថា តារាចម្រៀង ស្រគតស្រគុំ​ រូបនេះ នឹងទៅជ្រកក្រោមទ្រនំថោន ។ ប៉ុន្តែ​ទោះបីជា តារាចម្រៀងរូបនេះ បានបង្ហាញពីចេតនារម្មណ៍ ចេញពី​ក្រអៅបេះដូង​របស់នាង ថា​ទៅកាន់ថោន មែនពិត តែ​លិខិ​ត​បញ្ជាក់ផ្លូវការ រឿងចរចារ​ទ្រនំច្រៀងនេះ មិនទាន់ផ្លូវការនៅឡើយនោះទេ ។

ប្រភពខាងលើបានបន្ថែមថា ឈិត សុវណ្ណបញ្ញា គឺទំនោល​របស់នាង ទៅកាន់ថោន តែគ្រាន់តែមិនដឹងថា លទ្ធផលយ៉ាងម៉េចនោះទេ តែ​ច្បាស់ណាស់ បើថោន បើកភ្លើងខៀវ ឈិត សុវណ្ណបញ្ញា នឹងចូលភ្លែត តែម្តង ៕​