ពាក់ព័ន្ធរឿង ឈ្មោះ សឿន ចម្រើន ហៅឆោមក្វាន់ ត្រូវបានសមត្ថកិច្ចឃាត់ខ្លួនកាលពីថ្ងៃ០២ ខែកុម្ភះ ឆ្នាំ២០១៧ ពាក់ព័ន្ធករណីរសើបថា ឆបោកនោះ ពេលនេះ ក្រុមគ្រួសាររបស់បុគ្គលខាងលើនេះ បានចេញមុខស្រាយបំភ្លឺចំណុចខ្លះៗ ដែលសារព័ត៌មានក្នុងស្រុកចេញផ្សាយ។
ខាងក្រោមនេះដែរ ជាសម្តីរបស់អ្នកនាំពាក្យគ្រួសារដេននី ក្វាន់ ៖
ដំណើររឿងនេះ គឺជាការវិវាទអាជីវកម្ម មានន័យថាអត់ដឹងថាយ៉ាងម៉េចទេ ហើយបងស្រីចោមច័ន្ទ អត់ពាក់ព័ន្ធទេ ដោយមានរបររកស៊ីធម្មតា ។ ចំណែកដេននី ក្វាន់ មានសាឡន ថែសម្ជស្ស ជាធម្មតា ដោយគ្រាន់តែដូរទីតាំងពីម្តុំអាស៊ីអាគ្នេយ៍ ដែលមានដីហុយ មកទីតាំងបុរីវិមានភ្នំពេញ ដោយកំពុងជួសជុលដំណើរការ ។
«ប៉ុន្តែអ្វីដែលគួរឲ្យកត់សម្គាល់នោះ ខាងសារព័ត៌មានក្នុងស្រុកមួយចំនួន បានសរសេរឈ្មោះ សឿន ចម្រើន តែដាក់ខុសរូប ដោយដាក់រូបបងស្រី ចោមច័ន្ទ ទៅវិញ។ រឿងដែលពាក់ព័ន្ធនឹង បងស្រី សឿន ចម្រើន ហៅឆោមក្វាន់ គឺបងស្រីរបស់ ដេននី ក្វាន់ តែប្អូនបងស្រី ចោមច័ន្ទ តែអ្នកសារព័ត៌មាន បែរជាចុះផ្សាយដាក់រូប ចោមច័ន្ទ រូបគឹមសាន ដាក់រូបដេននី ក្វាន់ ដែលជាការប៉ះពាល់ដល់កិត្តិយស »។ នេះជាសម្តីអ្នកនាំពាក្យ។
អ្នកនាំពាក្យចេញពីគ្រួសារដេននីក្វាន់ ដោយសូមមិនបញ្ចេញឈ្មោះ បានបន្តថា ចំណុចនេះវាប៉ះពាល់កិត្តិយសណាស់ ដោយគ្រួសារមួយចឹងម៉ែឪ បងប្អូនអត់បានធ្វើ តែប្អូនផ្សេងអ្នកធ្វើ ចឹងរឿងខាងលើនេះដាច់ដោយឡែកពីគ្នា មនុស្សធំៗអស់ហើយ ដោយខាង បងស្រី សឿន ចម្រើន ហៅឆោមក្វាន់ ជាម្ចាស់សង្ហារឹម ហើយដេននី ក្វាន់ ជាម្ចាស់ហាងសាឡន ហើយហាងដែលបិទនោះ មិនមែនដួលទេ គឺគ្រាន់តែប្តូរទីតាំងថ្មី ដូចជម្រាបជូនខាងលើអ៊ីចឹង។
ផ្ញើពាក្យតាមអ្នកនាំពាក្យខ្លួន ក្រុមគ្រួសារដេននី ក្វាន់ថា បើចុះផ្សាយក៏ចុះ ទៅចុះ តែបើបុគ្គលណាធ្វើ សូមចុះឲ្យចំឈ្មោះ ដូច សឿន ចម្រើន ចឹងកុំព្យាយាមទាញរូបភាពអ្នកផ្សេង ដាក់ជាមួយ មិនមែនមានន័យថា កូនទី១ ធ្វើខុស មកចាប់កូនទី២ នោះទេ។
បើទោះបីជា តុលាការបានចេញដីការនាំខ្លួនរបស់សាលាតំបូងរាជធានីភ្នំពេញលេខ ៩៥៧ ដ ច ន ចុះថ្ងៃទី ១៩ ខែ ធ្នូ ឆ្នាំ ២០១៦ ក្នុង សំណុំរឿង លេខ ៣៤៧៤ ចុះថ្ងៃទី២២ ខែកក្កដា ឆ្នាំ ២០១៦ ដើម្បីប្រគល់ឲ្យ សាលាតំបូងចាត់ការតាមនិតិវិធី ។ ប៉ុន្តែខាងអ្នកនាំពាក្យគ្រួសារ របស់ ដេននី ក្វាន់ បានបញ្ជាក់ រឿងនេះ នៅមិនទាន់ដឹងថា សឿន ចម្រើន ហៅ ចោមក្វាន់ ពិតជាបានឆបោកប្រាក់គេមែន ឬយ៉ាងម៉េចទេ ? ព្រោះរឿងនេះ វាស្ថិតនៅក្នុង គេហៅថា ក្តីដើរ ដំណើរការក្តី ដោយជាវិវាទពាណិជ្ជកម្ម ។
អ្នកនាំពាក្យខាងលើបានសង្កត់ធ្ងន់ទៀតថា សូមឲ្យសារព័ត៌មាន កុំយករូបភាពបុគ្គលអត់ពាក់ព័ន្ធ ដាក់ធ្វើអ្វី ហើយរឿងខាងលើនេះ មិនទាន់ដឹងយ៉ាងណាយ៉ាណីទេ ព្រោះយើងមិនមែនជាតុលាការ មិនមែនចៅក្រម ចឹងហើយ រឿងនេះ គ្រួសារដេននី ក្វាន់ ទុកឲ្យច្បាប់ជាអ្នកធ្វើការ មេធាវី ជាអ្នកដោះស្រាយ ។ នេះជាសម្តីអ្នកនាំពាក្យបានបន្ត៕
រឿងនេះដែរ ក្រុមគ្រួសារ បងប្អូន របស់ដេននី ក្វាន់ មិនទាន់បានដឹងរឿងលម្អិតទេ ព្រោះថាមនុស្សរស់នៅផ្សេងគ្នា ធំៗអស់ហើយ រស់នៅដោយឆន្ទះរៀងខ្លួន ដេកនៅផ្សេងគ្នា អត់មាននរណាទៅដឹងគ្រប់រឿងពួកគាត់នោះទេ បងប្អូនមែន កូនមែន តែសកម្មភាពធ្វើផ្សេងគ្នា។នេះជាសម្តីចុងក្រោយរបស់អ្នកនាំពាក្យចេញពីគ្រួសារដេននី ក្វាន់៕
មតិយោបល់