Post News Media ព័ត៌មានសិល្បៈ និងកម្សាន្ត Kylie Jenner ...

Kylie Jenner ចំណាយ ១២ លានដុល្លារ ទិញវិមានទី បួន

គម្រប់ខួបអាយុ ១៩ ឆ្នាំ របស់តារាស្រី ហូលីវូត នាង Kylie Jenner បានចំណាយលុយ ១២ លានដុល្លារ ទិញវិមានប្រណិត ទី បួន នៅក្នុងរដ្ឋ កាលីហ្វញ៉ា សហរដ្ឋអាមេរិក ដោយវិមានប្រណិតលំដាប់ រ៉េស៊ីដង់ មានបន្ទប់គេងចំនួន ៨ បន្ទប់ នឹងមានបន្ទប់ទឹក ១១ បន្ទប់ នេះដោយយោងតាមការចេញផ្សាយរបស់ គេហទំព័រ mansionglobal នៅថ្ងៃទី ១៤ ខែ កុម្ភ: ឆ្នាំ ២០១៧ ។

ព័ត៌មាន ១៨ ខែចុងក្រោយ របស់តារាបង្ហាញម៉ូដ Kylie Jenner នៅក្នុងចំណោមត្រកូលបង្ហាញម៉ូដ នាង Kardashian-Jenner បានចំណេញការលក់ផ្ទះរបស់ខ្លួន ពីតម្លៃ ២,៧ លានដុល្លារ ចំនេញរហូតបានទៅដល់ ៦ លានដុល្លារ ដោយគ្រាន់តែនាងកែច្នៃ រចនាម៉ូដបន្ថែមបន្ដិចបន្តួចតែប៉ុណ្ណោះ កាលពីឆ្នាំ ២០១៦ ខែ មេសា ថ្មីៗនេះ ។

គួរបញ្ជាក់ផងដែរថា កាលពីខែ សីហា ឆ្នាំ ២០១៥ នាងបានទិញអគារមួយ ដែលមានតម្លៃ ៤,៥ លានដុល្លារ ដើម្បីធ្វើជាអគារគ្រឿងសំអាង នឹងជាអគារទទួលមិត្តភក្ដិស្និទ្ធស្នាលរបស់នាង ដោយឲ្យឈ្មោះអគារនេះថា Kylie Style ៕